ដ្បិតតែលោក បញ្ញា សិទ្ធបោៈជំហ៊ានច្រើនឆ្នាំនៅលើវិថីសិល្បៈ តែតារាប្រុសកូនកាត់ឡាវ រូបនេះនៅតែបង្ហាញការងារថ្មីៗលើវិថីចាស់។ លោកទើបតែត្រូវបានអ្នកនិពន្ឋ ល្បីល្បាញ ពាន់ ភួងបុប្ឋា ជ្រើសជាតួអង្គសំខាន់ម្នាក់ ក្នុងវណ្ណកម្មថ្មីរបស់លោកស្រី។ នេះចាត់ទុកថា បញ្ញា សិទ្ឋិ មានទេពកោសល្យ មិនអន់ទេ ព្រោះនេះមិនមែនជាលើកទី១ដែល ហក់អុកឡុកជាមួយមេចាស់នេះឡើយ។
បញ្ញា សិទ្ធ បានចូលរួមថតភាពយន្ត ទាំងដុំ និងរឿងភាគអោយ អ្នកស្រីពាន់ ភួងបុប្ឋា តាំងពីនៅវ័យក្មេងមក ម្ល៉េះតាំងពី លោកចូលសិល្បៈ។ មានស្នាដៃច្រើនដែលបញ្ញា សិទ្ឋិ សាងនៅលើភាពយន្ត ដែល លោកស្រីពាន់ ភួងបុប្ឋា កសាងបាន។ ក្នុងនោះរឿងល្បីៗ ដែលគេចាំ ដូចជារឿង «មមាចប្រឡែងភ្លើង» រឿង«ទឹកចិត្តឪពុក» និងរឿង«ទឹកចិត្តម្តាយសម័យថ្មី» ព្រមទាំងរឿងភាគមួយ ចំនួនទៀត រួមសម្តែងជាមួយលោកស្រី អម្ពរ ទេវីទៀតផង។
បញ្ញា សិទ្ធ ដែលទើបកុងត្រាថតរឿងភាគថ្មី មានចំណងជើងថា«រសជាតិអ្នកមាន» ជូនលោកស្រី ពាន់ ភួងបុប្ឋា ថ្លែងថា សម្រាប់លោកគ្រប់ពេលដែលដឹងថា អ្នកមីងបុប្ឋា ទាក់ទងថតសម្តែង គឺស្ថិតក្នុងអារម្មណ៏មួយប្រុងប្រយ័ត្នខ្ពស់ ។ មូលហេតុគ្រប់រឿងដែល លោកស្រីផលិត គឺស្តែងចេញពីគុណភាពជាសំខាន់ ចម្រាញ់សុទ្ឋតែតួមានស្នាដៃចេះយល់ តិចនិចសម្តែង។ ម្ល៉ោះហើយ ទោះបីជាលោក ធ្លាប់មានប្រវត្តិធ្វើការ ជាមួយអ្នកមីងច្រើនរឿងតែ ចិត្តនៅតែផ្ចង់អោយល្អ ដោយសារគ្រប់សាច់រឿង ការសម្តែងរបស់ តួអង្គត្រូវមានសភាពខុសៗគ្នា ទាំងអស់ដែលត្រូវការនឹករកគន្លឹះថ្មីជានិច្ច។ យ៉ាងណាមិញ លោកនៅតែចាត់ទុកថាសំណាងដែរ បានអ្នកល្បីខាងខ្សែភាពយន្តដឹកនាំ ដុះខាត់អោយយល់ដឹងពីការលេងកុន ព្រោះមុនចូលសិល្បៈ គិតថាសិល្បៈសប្បាយ ងាយធ្វើ តែធាតុពិតមិនមែននោះទេ ប្រសិនបើមិនតស៊ូព្យាយាម។
