លោក ចាន់ មករា ដែលបានល្បីល្បាញតាមរយៈបទ «ចាប់យំល្វើយៗ» និងបទ «ព្រះឥន្ទទាត់សី» នោះពេលនេះបានបង្ហាញ សំឡេងជាថ្មីជាមួយបទ «Covid-19 អង្រួនពិភពលោក»។
បទ«Covid-19 អង្រួនពិភពលោក» ត្រូវបានរៀបចំផលិតដោយអគ្គនាយកដ្ឋានវិទ្យុជាតិ។ បទនេះ បង្ហាញការអប់រំពីវិធីការពារការឆ្លងជំងឺ COVID-19 ដោយប្រើម៉ាស់ ឬក្រមា។
បទនេះ ក៏បានអប់រំដល់ប្រជាពលរដ្ឋឱ្យចេះថ្លឹងថ្លែងក្នុងការតាមដានព័ត៌មាន ធ្វើយ៉ាងកុំស្តាប់ កុំជឿតាមព័ត៌មានក្លែងក្លាយទាំងឡាយ ត្រូវរកប្រភពព័ត៌មានច្បាស់លាស់។
បទ «Covid-19 អង្រួនពិភពលោក» ក៏បានអំពាវនាវទៅដល់អ្នកលក់ម៉ាស់ កុំឱ្យឆ្លៀតកេងចំណេញលក់ថ្លៃហួសហេតុក្នុងពេលដែលប្រទេសជួបការលំបាក។
