ក្មេងប្រុសស្រី៣នាក់ បានលង់ទឹកស្រះខាងមុខផ្ទះបណ្តាលឲស្លាប់យ៉ាងអណោចអធ័ម និង បង្ករឲមានការភ្ញាក់ផ្អើលកើតឡើងកាលពីវេលាម៉ោង១និង៣០នាទីរសៀលថ្ងៃទី៤ ខែកុម្ភៈ ឆ្នាំ២០២០ ស្ថិតក្នុងភូមិសែនតេជះ ឃុំមរតក ស្រុកជាំក្សាន្ត ខេត្តព្រះវិហារ។
ប្រភពនៅកន្លែងកើតហេតុ បានឲដឹងថា មុនដំបូងគេឃើញធុងទឹកនៅមាត់ស្រះ ហើយមានការសង្ស័យនិងទៅរាយការណ៍ ប្រាប់មេភូមិក៏មានការភ្ញាក់ផ្អើលដល់ក្រុមគ្រួសារ ក៏នាំគ្នាមកចុះរាវក្នុងទឹកស្រះ ក៏បានប្រទះឃើញសពក្មេងទាំង៣នាក់នេះ ស្លាប់យ៉ាងអណោចអធ័ម។
បើតាមការសន្និដ្ឋានរបស់សមត្ថកិច្ចបានបញ្ជាក់ថា ករណីលង់ទឹកស្រះស្លាប់របស់ក្មេង៣នាក់នេះ ប្រហែលដោយសារតោងជួយគ្នា។
សពក្មេងរងគ្រោះទាំង៣រួមមានទី១៖ ឈ្មោះ នៅ វ៉ាន់ ភេទប្រុស អាយុ០៨ឆ្នាំ, ទី២៖ ឈ្មោះ នៅ ចេកសាន ភេទប្រុស អាយុ៦ឆ្នាំ ត្រូវជាបងប្អូនបង្កើតនិងទី៣៖ ឈ្មោះ ឆាង ស្រីកា ភេទស្រី អាយុ១០ឆ្នាំ ត្រូវជាបងប្អូនជីដូនមួយ មករស់នៅផ្ទះរួមជាមួយជនរងគ្រោះអាណាព្យាបាល ឪពុកឈ្មោះ ជ័យ នៅ អាយុ៣២ឆ្នាំ មុខរបរទាហាន៣៩៥ ម្ដាយឈ្មោះ នឿន ស្រីម៉ៅ អាយុ៣១ឆ្នាំ៕
