កំពង់ឆ្នាំង ៖ រដ្ឋបាលខេត្តកំពង់ឆ្នាំង នៅថ្ងៃទី៣ ខែមិថុនា ឆ្នាំ២០២១នេះ បានចេញសេចក្តីប្រកាសព័ត៌មាន ស្តីពីការបន្តរកឃើញមនុស្សចំនួន២២នាក់ បន្ថែមទៀត ឆ្លងជំងឺកូវីដ១៩ ។ ក្នុងចំនួននេះមាន១នាក់ជាពលរដ្ឋ ១នាក់ជាកម្មកសំណង់ក្រៅពីនេះជាកម្មករ កម្មការនី ដែលបម្រើការងារនៅតាមរោងចក្រ ។
អ្នកវិជ្ជមានកូវិដ.១៩ ខាងលើបានដាក់ឲ្យសម្រាកព្យាបាល នៅមន្ទីរពេទ្យខេត្ត និង នៅមណ្ឌលព្យាបាលវិទ្យាល័យហ៊ុនសែន កំពង់ត្រឡាច ។
សូមជម្រាបថា រហូតមកដល់ពេលនេះ ខេត្តកំពង់ឆ្នាំង មានអ្នកឆ្លងជំងឺកូវីដ.១៩ ក្នុងព្រឹត្តិការណ៍សហគមន៍ ២០កុម្ភៈចំនួន ២៦៨នាក់ ស្រីចំនួន២១៣នាក់, ព្យាបាលជាសះស្បើយ ចំនួន៦១នាក់ ស្រីចំនួន៣១នាក់, ស្លាប់ចំនួន៣នាក់ ស្រី២នាក់ និង កំពុងសម្រាកព្យាបាល ចំនួន២០៤នាក់ ស្រីចំនួន១៨០ នាក់៕

