ក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី១៥ ខែមករានេះ បានចេញសេចក្តីណែនាំស្តីពីការវិធានការការពារ និងទប់ស្កាត់ភ្លើងឆេះព្រៃ។ ការចេញសេចក្តីណែនាំ បន្ទាប់ពីក្រសួងសង្កេតឃើញថា ជារៀងរាល់ឆ្នាំ ក្នុងរដូវប្រាំងដែលមានសភាពក្តៅហួតហែង ស្ងួតខ្លាំង តែងតែបង្កឲ្យមានភ្លើងឆេះព្រៃ ដែលធ្វើឲ្យបាត់បង់ធនធានព្រៃឈើ ព្រៃលិចទឹក និងរាលដាលឆេះដល់ស្រូវ និងភូមិរបស់កសិករទៀតផង។
ក្រសូងបានបញ្ជាក់ទៀតថា ភ្លើងឆេះព្រៃនេះ បានបង្កវិនាសកម្ម និងការខាតបង់យ៉ាងធ្ងន់ធ្ងរដល់សង្គម សេដ្ឋកិច្ចជនបទ សេដ្ឋកិច្ចជាតិ ធនធានធម្មជាតិ និងបរិស្ថានផងដែរ។
ដោយសង្កេតឃើញបញ្ហាប្រឈមទាំងនេះ ក្រសួងកសិកម្ម បានណែនាំដល់អង្គភាពជំនាញ មន្ទីរកសិកម្ម រដ្ឋបាលមូលដ្ឋាន រួមទាំងសហមគមន៍ព្រៃឈើ សហគមន៍នេសាទ និងសហគមន៍កសិកម្មផងដែរអនុវត្តនូវវិធានការចំនួន ៧ចំណុច៕
