ភ្លើង​​ប្រចណ្ឌ ! លី​កាំ​បិត​ទៅ​កាប់​ផ្ដាច់​ជីវិត​ទាំង​កណ្ដា​លថ្ងៃ

  • បុរសម្នាក់ផ្ទុះភ្លើងប្រចណ្ឌជាមួយយុវជនវ័យ២១ឆ្នាំម្នាក់ ជាអ្នកភូមិជាមួយគ្នាថា លួចមានទំនាក់ទំនងស្នេហាជាមួយប្រពន្ធរបស់ខ្លួន ក៏លីកាំបិតផ្គាក់ទៅកាប់៤កាំបិត បណ្ដាលឱ្យបាត់បង់ជីវិតភ្លាមៗ ។

    ហេតុការណ៍បានកើតឡើងកាលពីវេលាម៉ោង១៤ និង០០នាទី ថៃ្ងទី១៦ ខែមីនា ឆ្នាំ ២០២១ នៅភូមិគោកមានជ័យ ឃុំព្នាយ ស្រុកសំរោងទង ។

    ជនដៃដល់ឈ្មោះម៉ៃ សៅគៀង ភេទប្រុស អាយុ២៧ឆ្នាំ រស់នៅភូមិឃុំខាងលើ ។ ចំណែកជនរងគ្រោះឈ្មោះសែម ភា ហៅវ៉េវ ភេទប្រុស អាយុ២១ឆ្នាំ រស់នៅភូមិជាមួយគ្នា។

    មុនពេលកើតហេតុ ជនដៃដល់មានការប្រចណ្ឌជាមួយជនរងគ្រោះជាអ្នកភូមិជាមួយគ្នាថា បានលួចទាក់ទងស្នេហាជាមួយប្រពន្ធខ្លួន ក៏បានលីកាំបិតមកកាប់ជនរងគ្រោះ ចំនួន៤កាំបិត ចំក្បាលលើត្រចៀកខាងស្ដាំ ១កាំបិត, ចំកញ្ចឹងកសង្ខាង ២កាំបិតនិងចំកែងដៃខាងស្ដាំ ១កាំបិត បណ្ដាលឱ្យបាត់បង់ជីវិតភ្លាមៗតែម្ដង។

    ក្រោយពេលកើតហេតុ ជនល្មើសត្រូវបានកម្លាំងនគរបាល ឃាត់ខ្លួន រួមជាមួយវត្ថុតាង កាំបិតផ្គាក់១ ហើយបញ្ជូនមកអធិ ការដ្ឋាននគរបាលស្រុកសំរោងទង ដើម្បីសាកសួរ និងកសាងសំណុំរឿងបញ្ជូនទៅកាន់ការិយាល័យជំនាញ នៃស្នងការដ្ឋាន នគរបាលខេត្ដកំពង់ស្ពឺ ចាត់ការបន្តតាមនិតិវិធីច្បាប់ ៕

    ព័ត៌មាន​ទាក់​ទង

    ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង