កំពង់ឆ្នាំង ៖ ក្មេងទំនើងមួយក្រុមមានគ្នា៤នាក់ត្រូវកម្លាំងប៉ូលីសក្រុងកំពង់ឆ្នាំងស្រាវជ្រាវនិងឃាត់ខ្លួននៅថ្ងៃទី១៦ ខែមិនា ឆ្នាំ ២០២១ ក្រោយពីពួកគេធ្វើសកម្មភាពវាយបំផ្លាញអំពូលភ្លើងហ្វា ដែលគេដាក់បំភ្លឺសួននៅពេលយប់ ។
ក្រុមក្មេងទំនើងដែលត្រូវប៉ូលីសឃាត់ខ្លួន១.ឈ្មោះសុទ្ធ សំណាង ភេទប្រុស អាយុ១៤ឆ្នាំ មានទីលំនៅក្នុងភូមិចំការតាម៉ៅ ឃុំស្រែថ្មី ស្រុករលាប្អៀរ ខេត្តកំពង់ឆ្នាំង ។២.ឈ្មោះមុំ គឹមហួរ ភេទប្រុស អាយុ១៧ឆ្នាំ មានទីលំនៅក្នុងភូមិម៉ុងបារាំង សង្កាត់ប្អេរ ក្រុងកំពង់ឆ្នាំង។ ៣.ឈ្មោះខេង ចាន់ទ័ ភេទប្រុស អាយុ១៤ឆ្នាំ មានទីលំនៅក្នុងភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ។ និង ៤.ឈ្មោះលី សុវ៉េត ភេទប្រុសអាយុ១៤ឆ្នាំ មានទីលំនៅក្នុងភូមិចំការតាម៉ៅ ឃុំស្រែថ្មី ស្រុករលាប្អៀរ ខេត្តកំពង់ ឆ្នាំង ។
ប៉ូលីសបានឲ្យដឹងថា នៅយប់ថ្ងៃទី១៤ ខែមិនា ឆ្នាំ២០២១ ពួលគេបាននាំគ្នាទៅអង្គុយលេងនៅសួនច្បារ ស្ថិតក្បែរមជ្ឈមណ្ឌលហ្វឹកហ្វឺនស៊ីម៉ាក់ រហូតដល់ម៉ោង២៤ កណ្តាលអាធ្រាតុឈានចូលថ្ងៃទី១៥ បានធ្វើសកម្មភាពវាយបំបែកអំពូលភ្លើងហ្វា នៅកណ្តាលសួនបណ្តាល
ឲ្យបែកអស់ចំនួន៩( ធំ៧,តូច២ )។ ក្រោយពីធ្វើសកម្មភាពរួចពួកគេបាននាំគ្នាទៅផ្ទះរៀងៗខ្លួន ៕
