កម្លាំងមួកខៀវជាង ១៨០នាក់ ហ្វឹកហ្វឺនបាញ់គ្រាប់ពិត ត្រៀមចេញបំពេញបេសកកម្មរក្សាសន្តិភាព នៅសាធារណរដ្ឋលីបង់

កង​កម្លាំង​មួក​ខៀវ​កម្ពុជា​ចំនួន ១៨៤​នាក់​ បាន​ហ្វឹក​ហ្វឺន​បាញ់​ គ្រាប់ពិត នៅសាលា​​ហ្វឹក​ហ្វឺ​ន​​កង​កម្លាំង​​រក្សា​​សន្តិ​ភាព​​ពហុ​ជាតិ​ ក្នុង​ខេត្តកំពង់​ស្ពឺ​ក្រោយ​បាន​ទទួល​បាន​ការ​បណ្តុះ​បណ្តាល ​នៅ​សាលា​រយៈ​ពេល​១​ឆ្នាំ​កន្ល​ងមក។

ឯកឧត្តម​ ឧត្តមសេនីយ៍ឯក​ ហ៊ួត​ គីម​សាន្ត អគ្គនាយក​រងមជ្ឈមណ្ឌល​ជាតិ​រក្សា​សន្តិភាព​ និង​ជា​នាយក​សាលា​ហ្វឹកហ្វឺន​កងកម្លាំង​រក្សា​សន្តិភាព​ពហុ​ជាតិ​ នៅ​ក្នុង​ពិធី​បង្ហាញ​សមត្ថភាព​បាញ់​គ្រាប់ពិត ​នៅថ្ងៃទី១៣ ខែមករា ឆ្នាំ២០២០ បានបញ្ជាក់ថា កម្លាំង​មួក​ខៀវ​​កម្ពុជា​ដែល​ហ្វឹកហ្វឺន​បាញ់​គ្រាប់​ពិត​នេះ​ ជា​កងកម្លាំង​ដែល​ត្រៀម​ទៅបំពេញ​បេស​កកម្ម​នៅសាធារណ​រដ្ឋលីបង់​ នា​ចុង​ខែ​មករា ខាងមុខនេះ។

ឯកឧត្តម ​ឧត្តមសេនីយ៍​ឯក​ បាន​បន្ថែម​ថា ការ​​ណ៍​ដែល​កម្លាំង​របស់​កម្ពុជា ​ហ្វឹក​ហ្វឺន​បាញ់​គ្រាប់ពិត​នេះ ​ដោយ​សារ​នៅ​ប្រទេស​នោះ​ ពុំ​ទាន់​មាន​ស្ថេរ​ភាព​ និង​មាន​បញ្ហា​ប្រឈម​ខ្លាំង​ផ្នែក​សន្តិ​សុខ​ ។ ក្រៅ​ពី​ការ​ហ្វឹក​ហ្វឺន​បាញ់​គ្រាប់ពិត​ កង​កម្លាំង​មួកខៀវ​ទាំង​១៨៤នាក់ ​ក៏​បាន​ហ្វឹក​ហ្វឺន​លើ​ជំនាញ​វិ​ស្វកម្ម ​ជំនាញ​បោស​សំអាត​មីន ជំនាញ​កម្ទេច​យុទ្ធភ័ណ្ឌ​មិន​ទាន់​ផ្ទុះ​ ជំនាញ​សុខា​ភិបាល​ ជំនាញ​បច្ចេក​ទេស ​បើកបររ​​ថយន្ត គ្រឿង​ចក្រ ការ​សិក្សា​ផ្នែក​ច្បាប់​ជាតិ​ និង​ច្បាប់​អន្តរជាតិ​ផងដែរ។

គួរ​រំលឹក​ថា​ អាវុធ​ដែល​សិក្ខា​កាម​បាន​បង្ហាញ​សមត្ថភាព​បាញ់​នេះ រួម​មាន​ប្រភេទ​អាវុធ ​អាកា​៤៧ កាំភ្លើង​យន្ត ​PK​M​ និង​កាំភ្លើង​១២​,៧ជាដើម​ ។

គួរ​បញ្ជាក់​ថា ចាប់​តាំង​ពី​ឆ្នាំ​២០០៦​មក​ កម្ពុជា​បាន​បញ្ជូន​កម្លាំង​ ចំនួន​សរុប​ប្រមាណ​ជាង​៦០០០​ នាក់ ​ហើយក្នុងនោះ​មាន​ស្រ្តី​ចំនួន​ជាង​ ៣០០​នាក់​ ទៅ​ចូល​រួម​បេសកកម្ម​របស់​អង្គការ​សហ​ប្រជា​ជាតិ​ ខណៈ​បច្ចុប្បន្នកម្ពុជា​​មាន​កម្លាំង​ចំនួន​ប្រមាណ​១០០០​នាក់ ដែល​កំពុង​បំពេញ​បេស​ក​កម្ម ​នៅ​ប្រទេស​ ចំនួន៤​ រួមមាន​សាធារ​ណរដ្ឋ​ស៊ូដង់​ខា​ង​ត្បូង​ អាហ្វ្រិក​កណ្តាល​ លីបង់ ​និង​ម៉ាលី​៕

 

 

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង