សម​ត្ថកិច្ចកំពុង​ស្រាវ​ជ្រាវ​លើ​ករណី​ប្រទះ​ឃើញ​រថយន្តមួយ​គ្រឿង​ដែល​ទុកចោល​នៅក្នុង​ស្រុកសាម​គ្គីមាន​ជ័យ​

​កំពង់​ឆ្នាំង ៖ រថយន្ត១គ្រឿង ត្រូវបានគេយកទៅទុកចោល​នៅក្បែដីឡូ​តិ៍មួយ​កន្លែង ដែល​គ្មាន​មនុស្ស​នៅ ត្រូវ​បាន​ប្រជាពល​រដ្ឋប្រទះឃើញ​កាលពីរសៀលថ្ងៃទី១ ខែមករា ឆ្នាំ២០២១ ស្ថិតក្នុងភូមិក្តុល​អភិវឌ្ឍន៍ ឃុំស្វាយ​ជុក ស្រុក​សាម​គ្គីមាន​ជ័យ ខេត្តកំពង់​ឆ្នាំង ។

នគរបាលស្រុកសាមគ្គីមានជ័យ បានឲ្យដឹងថា រថយន្តដែលគេយក​មកប្លុង​ចោលនេះ ម៉ាក​តូយ៉ូតា​ស៊ើបពណ៌ កណ្ដុរប្រមេះ គ្មានស្លាកលេខ។ នៅក្នុង​​រថយន្តនេះសមត្ថកិច្ចរកឃើ​ញមាន ឯកសារ​និងរូបថតមានឈ្មោះ ស្រេង ស្រ៊ុន និង មានរហស្សនាម ហៅខ្លា៣ ជាមន្ត្រី នគរបាល មានឋានរស័ក្តិ អនុសេនីយ៍ត្រី ជានាយរងផ្នែកពិនិត្យវិភាគកន្លែងកើតហេតុ នៃអធិការដ្ឋាននគ របាលស្រុក ពញាឮ ខេត្តកណ្តាល ។ ប៉ុន្តែបានចូលនិវត្តហើយ មានស្រុកកំណើត នៅភូមិបឹងកណ្តាល ឃុំខ្ពបអាទាវ ស្រុក​លើក​ដែក​ ខេត្តកណ្តាល។

នគរបាលស្រុកសាមគ្គីមានជ័យ បានឲ្យដឹងទៀតថា គេមិនទាន់ដឹងថា អត្តសញ្ញាណ នៅក្នុងរថយន្តនេះ ជារបស់​បុរស​នៅក្នុង​រូបថត​នោះឬយ៉ាងណានោះទេ នឹង មិនដឹងថា រថយន្តដែលយកមកប្លុងចោល ដោះស្លាកលេខពេលយកមកដល់ ឬ អត់ស្លាកលេខស្រាប់នោះទេ ។

បច្ចុប្បន្នរថយន្តត្រូវបាន កម្លាំជំនាញបានសហការជាមួយប៉ុស្តិ៍រដ្ឋបាល ឃុំ ស្វាយជុក និង ប្រជាការពារ នាំយក រថយន្ត ខាង​លើ​នេះ ​មករក្សាទុកនៅអធិការ រដ្ឋាននគរបាល ស្រុកសាមគ្គីមានជ័យ ដើម្បីធ្វើការស្រាវជ្រាវ រកមូលហេតុឲ្យ ជាក់លាក់ លើករណី​ខាងលើនេះ៕

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង