នគរបាល​កំពង់ឆ្នាំង ឃាត់​ខ្លួន​ជន​សង្ស័យ​២នាក់​ និង​ដកហូត​បានថ្នាំញៀនបាន​មួយ​ចំនួន

កំពង់ឆ្នាំង៖ នៅថ្ងៃទី២២ ខែវិច្ឆិកា ឆ្នាំ២០២០ វេលាម៉ោង​១៧​និង៣០នាទី កម្លាំងជំនាញ​ការិយាល័យ​ប្រឆាំង​គ្រឿងញៀន​ខេត្តកំពង់ឆ្នាំង ដឹកនាំ​ដោយ​លោក​វរសេនីយ៍ឯក ​ហ៊ុល វាសនា ស្នងការរង​ទទួលការងារ​ប្រឆាំង​គ្រឿងញៀន ​បាន​ចុះបង្ក្រាប​ជាក់ស្ដែង​ករណីជួញ​ដូរ ដោយ​ខុសច្បាប់​នូវសារ
ធាតុ​​ញៀន នៅលើផ្លូវជាតិ​លេខ៥ ចំណុចផ្លូវ​វាង​ភូមិផ្សារត្រាច ​និងស្រុកឧត្តុង ស្ថិត​ក្នុងភូមិផ្សារ​ត្រាច ឃុំលង្វែក ស្រុកកំពង់​ត្រឡាច ខេត្តកំពង់​ឆ្នាំង។

លោក ហ៊ុល វាសនា បានឲ្យដឹងថា ក្នុងប្រតិបត្តិការណ៍នេះ សមត្ថកិច្ច ឃាត់ខ្លួនជនសង្ស័យចំនួន២នាក់ ក្នុងនោះម្នាក់ឈ្មោះ​ ជុំ ប៊ុនតិច ភេទប្រុស អាយុ​១៩ឆ្នាំ ជនជាតិខ្មែរ មុខរបរ:កម្មករ រស់នៅភូមិគីឡូម៉ែត្រលេខ១០ សង្កាត់ស្វាយប៉ាក ខណ្ឌព្រែកព្នៅ រាជធានីភ្នំពេញ។ និងម្នាក់ទៀតឈ្មោះម៉ៅ វិសាល ភេទប្រុស អាយុ២៦ឆ្នាំ ជនជាតិខ្មែរ មុខរបរជាងចាក់សាក់ រស់នៅភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។

ក្នុងពេលឃាត់ខ្លួនសមត្ថកិច្ចដកហូតវត្ថុតាងមួយចំនួនរួមមានថ្នាំញៀន១កញ្ចប់ទម្ងន់៧,៩៥g ,ម៉ូតូ ១គ្រឿង,និងទូរសព្ទ ១គ្រឿង ។

បច្ចុប្បន្នជនសង្ស័យកំពុងសាកសួរនៅស្នងការដ្ឋាននគរបាលខេត្ត ដើម្បីកសាងសំណុំរឿងបញ្ជូនទៅកាន់តុលាការចាត់ការបន្តតាមនិតិវិធី ៕

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង