កំពង់ឆ្នាំង ៖ រយះពេល៣ថ្ងៃ នៃពិធីបុណ្យភ្ជំបិណ្ឌ ពោលគិតចាប់ពីថ្ងៃទី១៦ ដល់ថ្ងៃទី១៨ ខែកញ្ញា ឆ្នាំ២០២០ មានភ្ញៀវទេសចរណ៍មកលេងនៅតាមរមណីយដ្ឋាននានា ក្នុងខេត្តកំពង់ឆ្នាំង ចំនួន៨៥ ៥៩៧នាក់ មានការកើនឡើងប្រមាណជា៣០ភាគរយ បើប្រៀបធៀបនឹងរយៈពេលដូចគ្នាកាលពីឆ្នាំ២០១៩ ។ នេះបើតាមការបញ្ជាក់ឲ្យដឹងពីលោក សេង សាលី ប្រធានមន្ទីរទេសចរណ៍ខេត្តកំពង់ឆ្នាំង ។
លោក សេង សាលី បានឲ្យដឹងថា ក្នុងរយះពេល៣ថ្ងៃ នៃពិធីបុណ្យភ្ជំបិណ្ឌនេះ មានភ្ញៀវទេសចរណ៍មកលេងនៅតាមរមណីយដ្ឋាននានា ក្នុងខេត្តកំពង់ឆ្នាំងចំនួន៨៥ ៥៩៧នាក់ ។ នៅថ្ងៃទី១៦ កញ្ញា មានភ្ញៀវមកលេងចំនួន១៥ ៩៩៥នាក់ ថ្ងៃទី១៧ កញ្ញា មានភ្ញៀវទេសចរណ៍មកលេងចំនួន៣០១០៤នាក់ និង នៅថ្ងៃទី១៨ កញ្ញា មានភ្ញៀវទេសចរណ៍មកលេង ចំនួន៣៩ ៤៩៤នាក់ ។ ក្នុងនោះភ្ញៀវទេសចរណ៍អន្តរជាតិមានចំនួន១១នាក់ផងដែរ ៕
