កំពង់ឆ្នាំង៖ នៅព្រឹកថ្ងៃទី៣០ ខែកក្កដា ឆ្នាំ២០២០ វេលាម៉ោង ៨និង ៣០នាទី កម្លាំងនគរបាលជំនាញ នៃអធិការដ្ឋានស្រុករលាប្អៀរ បានសហការជាមួយកម្លាំងប៉ុស្តិ៍នគរបាលរដ្ឋបាលជ្រៃបាក់ ធ្វើការឃាត់ខ្លួនមុខសញ្ញាជួញដូរ និងប្រើប្រាស់សាធាតុញៀន បានចំនួន ៤នាក់ នៅចំណុចផ្ទះមួយកន្លែង ស្ថិតក្នុងភូមិថ្មី ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង។
ជនសង្ស័យទាំង ៤នាក់ រួមមានទី១- ឈ្មោះ សុទ្ធ វុទ្ធី ភេទប្រុស អាយុ ៣១ឆ្នាំ មានទីលំនៅភូមិទី៣ សង្កាត់ខ្សាម ក្រុងកំពង់ឆ្នាំងជាមុខសញ្ញាជួញដូរនិងប្រើប្រាស់គ្រឿងញៀន ទី២- ឈ្មោះ ម៉ាន ហ្វាស៊ី ភេទប្រុស អាយុ ២៦ឆ្នាំ មានទីលំនៅភូមិព្រៃខ្មែរ ឃុំរលាប្អៀរ ស្រុករលាប្អៀរជាមុខសញ្ញាប្រើប្រាស់គ្រឿងញៀន ទី៣ ឈ្មោះ យន់ ឧត្តម ភេទប្រុស អាយុ ២០ឆ្នាំ មានទីលំនៅភូមិផ្សារឆ្នាំង សង្កាត់កំពង់ឆ្នាំង ក្រុងកំពង់ឆ្នាំង ជាមុខសញ្ញាប្រើប្រាស់គ្រឿងញៀន
និងទី៤- ឈ្មោះ ហុង ដាលីន ភេទប្រុស អាយុ ២៧ឆ្នាំ មានទីលំនៅភូមិឃ្លាំងប្រាក់ សង្កាត់ប្អេរ ក្រុងកំពង់ឆ្នាំង ជាមុខសញ្ញាប្រើប្រាស់គ្រឿងញៀន)។
ក្នុងប្រតិបត្តិការនោះ សមត្ថកិច្ចដកហូតបាន ម្សៅក្រាមពណ៌សថ្លាចំនួន ៥កញ្ចប់ ម៉ូតូម៉ាកស្មាស់វី ១គ្រឿង ទូរស័ព្ទដៃចំនួន ៣គ្រឿង និងឧបករណ៍ជក់មួយចំនួន។បច្ចុប្បន្នជនសង្ស័យរួមនឹងវត្ថុតាងត្រូវបានបញ្ជូនទៅស្នងការដ្ឋាននគរបាលខេត្តកំពង់ឆ្នាំង ដេីម្បីបន្តនីតិវិធី៕
