អនុ​ប្រធាន​​មន្ទីរ​ព័ត៌​មាន​ខេត្ត​កំពង់​​ឆ្នាំង ជម្រុញឲ្យ​ប្រព័ន្ធ​ផ្សព្វផ្សាយ​របស់មន្ទីរ បង្កើ​នការ​ផលិត​​ព័ត៌មាន​ពី​សក្តានុពល​​​វិស័យ​​កសិ​កម្មរ​បស់​​ខេត្ត

កំពង់ឆ្នាំង ៖ អនុប្រធាន​មន្ទីរ​ព័ត៌មាន​ខេត្តកំ​ពង់ឆ្នាំង​ លោក ហឹង​ ចូច បានជម្រុញ​និង​​លើកទឹក​ចិត្ត ឲ្យ​មន្រ្តី​ជំនាញ​របស់​មន្ទីរ​ បង្កើន​ប្រសិទ្ធភាព​ការងារ​ជំនាញ​រ​បស់ខ្លួន​លើវិស័យព័ត៌មានអោយ​បានកាន់តែប្រសើរជាង​មុនបន្ថែមទៀត ​ពិសេស​ត្រូវសហការ​ក្នុង​ការ​ផលិត​ព័ត៌មាន​អោយ​ច្រើន​ប្រភេទ​ ពាក់​​ព័ន្ធ​និង​​សមិទ្ធផល និង សក្តានុពលនានា របស់ខេត្ត​ព្រមទាំងព័ត៌មានថ្មីៗ​ទូទាំង​ប្រទេស​  ដើម្បីធ្វើការផ្សព្វផ្សាយ​​អោយបាន​ទូលំទូលាយ​តាមប្រព័ន្ធផ្សព្វ​​ផ្សាយ​​របស់​ជាតិ ។ ​ការជម្រុញ​បែបនេះ បាន​ធ្វើឡើង​នៅ​ក្នុង​កិច្ចប្រជុំ​ជាមួយ​មន្ត្រីថ្នាក់​ដឹកនាំ​ការិយា​ល័យ​ចំណុះ​មន្ទីរ​ព័តមាន​ខេត្តកំពង់ឆ្នាំង កាលពីព្រឹក​​ថ្ងៃទី​​២៨ ខែកក្ដដា ឆ្នាំ២០២០ ។
លោក​អនុប្រធាន​មន្ទីរ  បាន​បន្ថែម​​ថា​ នៅក្នុងស្ថាន​ភាព​នា​ពេល​នេះ ​មន្រ្តីជំនាញ​ទាំងអស់​ត្រូវ​តាមដាន​អោយបាន​ជាប់ជា​ប្រចាំ​នូវស្ថាន​ភាព​បច្ចុប្បន្នភាព​ និង សក្តានុ​ពល នៃការអភិវឌ្ឍន៍​រ​បស់ខេត្តលើ​គ្រប់វិស័យ ពិសេស​គឺវិស័យ​កសិកម្ម ដែល​ទាមទារ​មន្រ្តីជំនាញ​ផលិតព័ត៌មាន​គ្រប់ជ្រុងជ្រោយ ​និង បទ​យកការណ៍​សម្រាប់ធ្វើការផ្សព្វផ្សាយ តាមប្រព័ន្ធផ្សព្វផ្សាយរបស់ជាតិ មាន វិទ្យុ ទូរទស្សន៍ គេហទំព័រ ផេកផ្លូវការរបស់មន្ទីរ និងរួមគ្នាផ្សាយនូវគ្រប់​រូប​ភាព ដើម្បីផ្តល់ព័ត៌មាន​ពិតជូន​ពលរដ្ឋ អោយ​បានយល់ច្បាស់ពី​វិធីសាស្រ្តនៃការថែទាំសុខ​ភាព និង វិធីការពារ​ជំងឺកូវីត​១៩ ។
នៅក្នុងកិច្ចប្រជុំនេះដែរ លោកអនុប្រធានមន្ទីរ និង ថ្នាក់ដឹកនាំការិយាល័យបានធ្វើការពិភាក្សាគ្នា ដើម្បីដាក់ចេញនូវផែនការសកម្មភាព​ការងារមួយ​ចំ​នួន​ ដែលត្រូវអនុវត្ត ដើម្បី​ធ្វើយ៉ាង​ណា អោយមានប្រសិទ្ធភាព លើកការងារ​ព័ត៌មាន​នេះ ។ ចំពោះការិយាល័យ​ចំណុះ​របស់​មន្ទីរត្រូវ​សហការគ្នា​ធ្វើ​​ព័ត៌​មាន​​ ទាក់ទាញ​ការទស្សនា ស្តាប់ពីប្រជាពលរដ្ឋអោយបានច្រើនបំផុត ។ ចំពោះការិ​យាល័យ វិទ្យុ ការិយាល័យ ទូរទស្សន៍ និង ការិយាល័យ​​​​ទីភ្នាក់ងារ​សារ​ព័ត៌មានកម្ពុជា (AKP) ត្រូវបង្កើនការ​ផ្សាយអោយ​បានច្រើនអំពី​សមិទ្ធិផលនានា​របស់ខេត្ត ព្រមទាំងបង្កើត​​កម្មវិធីថ្មី សារអប់​រំសំបូរ​បែប ដល់ប្រជា​​ពល​រដ្ឋ។ ដោយប្រែក្លាយអោយអង្គភាពព័ត៌មានរ​បស់រដ្ឋជា​ព័ត៌មាន ដែលទទួល​​បានការ​ជឿទុកចិត្ត ពីមហាជន​នៅក្នុងខេត្តកំពង់​ឆ្នាំង និង ទូទាំង​ប្រទេស ដោយឈរ​លើមូល​ដ្ឋាន ប្លែក លឿន ទុកចិត្ត​បាន ពេលណា​ទីណា​ក៍បាន ៕

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង