ព្រះករុណា ព្រះមហាក្សត្រ ព្រះបាទ សម្តេច ព្រះបរមនាថ នរោត្តម សីហមុនី តាមព្រះរាជក្រឹត្យចុះកាលពីថ្ងៃទី ១៨ ខែកក្កដា បានត្រាស់បង្គាប់ តែងតាំងឥស្សរជនចំនួន ៥រូបជាសមាជិកពេញសិទ្ធិ នៃរាជបណ្ឌិត្យសភាកម្ពុជា មានគោរមងារជា «បណ្ឌិតសភាចារ្យ»។
ក្នុងចំណោមឥស្សរជនទាំង៥ រូបនោះ ឯកឧត្ដម អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ និងជាប្រធានក្រុមការងាររាជរដ្ឋាភិបាល ចុះមូលដ្ឋានខេត្តកំពង់ឆ្នាំង ក៏ទទួលបានគោរមងារជា«បណ្ឌិតសភាចារ្យ»នេះដែរ។
គួរបញ្ជាក់ថា គិតត្រឹមថ្ងៃទី២៤ ខែកក្កដា ឆ្នាំ២០២០ សមាជិកពេញសិទ្ធិ នៃរាជបណ្ឌិត្យសភាកម្ពុជា មានចំនួនសរុប ២៦នាក់ ៕
