ចាស់​ជរា ជន​ពិការ និង​គ្រួសារ​មាន​ជីវភាព​ខ្វះខាត​ចំនួន​ជាង​២០០គ្រួសារ​ ​ក្នុងស្រុករលា​​ប្អៀរ ទទួល​បាន​អំណោយ​ពី​សប្បុ​រស​ជន​

កំពង់ឆ្នាំងនាព្រឹក​​ថ្ងៃទី​១២ ខែក​ក្កដា ឆ្នាំ២០​២​០ នៅ​សាលា​ឃុំពង្រ ស្ថិត​ក្នុង​ស្រុករលា​​ប្អៀរ ខេត្តកំពង់​ឆ្នាំង បាន​រៀប​ចំ​ពិធីសំណេះ​សំណាល និង​ចែកអំណោយ​ជូនដល់​ចាស់ជរា ជន​ពិការ និងគ្រួសារ​មានជីវភាព​ខ្វះខាត​ជួបការ​លំបាក​ចំនួន ២​៥​៣​គ្រួសារ ។ ពិធី​សំណេះ​​សំណាល​ និង​ចែក​អំណោយនេះ​​​ បាន​ប្រព្រឹត្តទៅ​ក្រោម​អធិប​តីភាព​លោក​ជំទាវ កែ ច័ន្ទមុនី អ្នក​តំណាង​រាស្រ្តមណ្ឌលកំពង់​ឆ្នាំង លោកស្រី គ្រី សារ៉ន ប្រធាន​សម្ព័ន្ធ​ប្រជាជនដើម្បីសន្តិភាព លោក​ស្រី​ ប៊ន សុភី អភិបាលរង​ខេត្ត  និង​មាន​ការ​និមន្ត និង​អញ្ជើញ​ចូលរួម​ពីព្រះគ្រូសរណធវិចិត្រធម្ម ហឿម សុវ​ណ្ណា​រ៉ា ទីប្រឹក្សាផ្ទាល់ សម្តេច​ព្រះអគ្គមហា​សង្ឃរាជាធិបតី​កត្តិឧទេសបណ្ឌិត ទេព វង្ស សម្តេច​ព្រះមហា​សង្ឃរាជ នៃ​ព្រះរាជា​ណាចក្រ​កម្ពុជា និង​ជាព្រះ​ចៅអធិការវត្តគីរី​ធម្មរាជ(ហៅ​វត្តភ្នំតារូង​តារាជ) លោក​ យង់ សៅវុឌ្ឍី អភិបាលស្រុករលាប្អៀរ​ លោក គង់ រិទ្ធា ប្រធាន​ចលនា​យុវជន​កម្ពុជា​ក្រុម១៥៧ ក្រុងប៉ោយ​ប៉ែត រួមជាមួយ​​ក្រុមការងារ និងស.ស.យ.ក​.ស្រុក អាជ្ញាធរ​ឃុំ ភូមិ គណៈកម្មការវត្ត ប្រជា​ពលរដ្ឋផងដែរ​។

ក្នុងពិធីនេះ​លោក​ជំទាវ កែ ​ច័ន្ទមុនី បាននាំយក​ការផ្តាំផ្ញើការ​សាក​សួរសុខ​ទុក្ខពី​សំណាក់​សម្តេច​តេជោ ហ៊ុន សែន នា​យក​រដ្ឋ​មន្ត្រី​នៃកម្ពុជាដែល​​សម្តេច​តែងតែ​គិតគូរ​សុខទុក្ខប្រជាពល​រដ្ឋនៅ​ទូទាំង​ប្រទេស​។ លោក​ជំទាវក៏​បានថ្លែង​អំណរគុណ​ចំពោះ​អាជ្ញាធរ​មូលដ្ឋាន​ដែល​​រាយ​ការ​ណ៍​​អំពី​សុខទុក្ខ ការ​ខ្វះខាត​របស់ប្រជា​ពលរដ្ឋ​ដោយ​មិនប្រកាន់​និន្នា​ការ​គណបក្ស​នយោ​បាយ​​ឡើយ។​

ជា​មួយ​គ្នានោះ លោក​ស្រី​​ ប៊ន​ សុភី អភិ​បាល​រង​ខេត្ត​កំពង់ឆ្នាំង ក៏បានផ្សព្វ​ផ្សាយ​ដ​ល់បង​ប្អូន​ប្រជា​ពល​រដ្ឋ ពីវិធាន​ការ​ការពារ​ខ្លួន​ពី​ជំងឺ​ផ្សេង​ៗ​ ពិ​សេ​ស​ជំងឺកូវីដ​១៩ ដែល​កំពុង​រីករាល​ដាលទូទាំង​សកលលោក ត្រូវ​តែ​ប្រុង​ប្រយ័ត្ន និង​អនុវត្ត​តាម​គោល​កាណ៍​ណែនាំ​របស់​ក្រសួង​សុខា​ភិបាល​ឱ្យ​បាន​ជា​ប្រចាំ ដើម្បី​ចូលរួម​ទាំងអស់គ្នាកុំ​ឱ្យ​កើតមាន​ជំងឺកូវីដ​១៩ ទាំងនៅ​ក្នុង​គ្រួសារ និង​សហគមន៍​យើង។

គួរបញ្ជាក់ថា អំណោយ​ដែល​បាន​ចែកជូន​ក្នុងឱកាស​នោះ​ គឺ​វក្នុង១​គ្រួសារ​ៗ ទទួល​បាន​ អង្ករ ១៥គីឡូ​ក្រាម​ អំបិល​១គីឡូ​ ស្ករ​ស​ ០,៥០​ គីឡូ​ ប៊ី​ចេង​១គីឡូ ​ទឹក​ត្រី ២​ដប ទឹក​ស៊ីអ៉ីវ ២​ដប ត្រីខ​ ៥កំប៉ុង ​មី ១៥​កញ្ចប់ ទឹក​ផ្លែឈើ ៣កំ​ប៉ុង សៀង​ ១ដប ទឹក​ដោះ​គោ ១​កំប៉ុង ឆៃប៉ូវ ​០,៥០គីឡូ​ និង​ថវិកា ១ម៉ឺ​រៀល។

ពិធី​សំណេះ​​សំណាល និង​​ចែក​អំណោយ រៀបចំ​ឡើង​ដោយ​​ព្រះគ្រូសរណ​ធវិចិត្រ​ធម្ម ហឿម សុវណ្ណារ៉ា ទីប្រឹក្សា​ផ្ទាល់ សម្តេច​ព្រះ​អគ្គមហា​សង្ឃ​​រាជា​ធិបតីកត្តិ​ឧទេសបណ្ឌិត ទេព វង្ស សម្តេចព្រះ​មហា​សង្ឃរាជ​នៃ​កម្ពុជា និងជាព្រះ​ចៅអធិការវត្ត​គីរីធម្ម​រាជ(ហៅវត្ត​ភ្នំតារូង​តារា​ជ) ដោយ​មាន​​ការចូល​រួមសហការ​ពីក្រុមការងារ​សមាគម​ចលនា​យុវជន​កម្ពុជា ក្រុម១៥៧ ក្រុងប៉ោយ​ប៉ែត សាខា​ខេត្តបន្ទាយ​មាន​ជ័យ រួម​នឹង​គណៈ​កម្មការ​វត្តគីរីធម្មរាជ​៕

 

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង