កំពង់ឆ្នាំង ៖ លោកឧត្ដមសេនីយ៍ត្រី កេត យ៉ុង ស្នងការរងនៃស្នងការដ្ឋាននគរបាលខេត្តកំពង់ឆ្នាំង បានណែនាំដល់អ្នកបើកបររថយន្តដឹកកម្មកររោងចក្រ នៅក្នុងខេត្តកំពង់ឆ្នាំងទាំងអស់ឲ្យគោរពច្បាប់ចរាចរណ៍ផ្លូវគោកនិងត្រូវមានការប្រុងប្រយ័ត្នខ្ពស់ នៅពេលកំពុងបើកបរ ។ ការណែនាំនេះ បានធ្វើឡើងនៅក្នុងពិធីផ្សព្វផ្សាយច្បាប់ចរាចរណ៍ផ្លូវគោកដល់អ្នកបើកបររថយន្តដឹកកម្មកររោងចក្រចំនួន១៨៣នាក់ នៅស្រុកកំពង់ត្រឡាច កាលពីថ្ងៃទី១៩ ខែមិថុនា ឆ្នាំ២០២០ ។
លោកឧត្ដមសេនីយ៍ត្រី បានបន្ថែមទៀតថា អ្នកបើកបរទាំងអស់ត្រូវបង្កើនការប្រុងប្រយ័ត្នខ្ពស់ ពិសេសនៅទីប្រជុំជន ដែលមានមនុស្សធ្វើដំណើរនិងឆ្លងកាត់ច្រើន។ ដោយឡែកក្នុងពេលកំពុងបើកបរត្រូវចេះយល់អធ្យាស្រ័យគ្នាទៅវិញទៅមក និងត្រូវយករថយន្តរបស់ខ្លួនទៅត្រួតពិនិត្យលក្ខណ:បច្ចេកទេសឲ្យបានត្រឹមត្រូវ ៕
