សិក្ខា​កាម​​ពល​ទាហា​នថ្មី ទទួលបាន​ការកោត​សរសើរ​ពីថ្នាក់​ដឹក​នាំកង​ទ័ព​ជើង​គោក​

កំពង់ឆ្នាំង៖​​​ ព្រឹកថ្ងៃសៅរ៍ ទី២៣ ខែឧសភា ឆ្នាំ២០២០ សិក្ខាកាមពលទាហានថ្មីចំនួន១៥៣នាក់ ដែល​ជាពល​ទាហាន​ថ្មីទើបជ្រើស​រើស​បំពេញ​ក្របខណ្ឌកងទ័ពជើងគោក បានទទួលការកោតសរសើរពីថ្នាក់ដឹកនាំកងទ័ពជើងគោក បន្ទាប់ពីបានចូលហ្វឹកហ្វឺនរៀនសូត្រ​មួយរយៈ​កន្លង​មក​លើ​មុខវិជ្ជាមេរៀនអាវុធ AK47 នៅទីលានបាញ់គ្រាប់ពិត យោធភូមិភាគពិសេស ស្ថិតនៅភូមិសាស្ត្រ ភ្នំជើងលៀង ខេត្តកំពង់ឆ្នាំង ។

ឯកឧត្តម អួន សារឿន ក្នុងនាមឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង មេបញ្ជាការកងទ័ពជើងគោក បានកោតសរសើរ និងវាយតម្លៃខ្ពស់ចំពោះការយកចិត្តទុកដាក់របស់នាយទាហាន នាយទាហានរង ពលទាហាន យោធាចារ្យ និងសិក្ខាកាមទាំងអស់ដែលបាន​ខិតខំ​បំពេញភារកិច្ច សិក្សារៀនសូត្រដើម្បីបង្កើនចំណេះដឹង ពង្រឹងសមត្ថភាព និងជំនាញ ដើម្បីរួមចំណែកកសាងធនធានមនុស្សកង​យោធ​ពល​​ខេមរភូមិន្ទ ក្នុងភារកិច្ចការពារជាតិមាតុភូមិ និងប្រជាជន ។

សូមបញ្ជាក់ថា ពិធីបិទវគ្គហ្វឹកហ្វឺនបាញ់គ្រាប់ពិតនេះមានការវាយតម្លៃ ពិនិត្យផ្ទាល់ពីសំណាក់ឯកឧត្តម ឧត្តមសេនីយ៍ឯក អ៊ួន សារឿន មេបញ្ជា​កា​ររងកងទ័ពជើងគោក ទទួលបន្ទុកការងារហ្វឹកហ្វឺន និង ឯកឧត្តម ឧត្តមសេនីយ៍ឯក ពូ សាប៊ុតឌី មេបញ្ជាការរងកងទ័ពជើងគោក មេបញ្ជា​ការ​យោធភូមិភាគពិសេស៕

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង