សៀមរាប៖ មនុស្ស២នាក់បានស្លាប់ និង៥នាក់រងរបួសធ្ងន់ស្រាល ក្នុងឧបទ្ទវហេតុក្រឡាប់រថយន្ត នៅចំណុចភូមិវត្ត ឃុំស្រែណូយ ស្រុកវ៉ារិន លើផ្លូវពីឃុំស្រែណូយ ទៅឃុំកន្ទួត ស្រុកស្វាយលើ ខេត្តសៀមរាប កាលពីវេលាម៉ោង១៦នឹង៤៤នាទី នៅថ្ងៃទី០៨ ខែធ្នូ ឆ្នាំ២០២០។
លោកវរសេនីយ៍ឯក ជឹម សុវណ្ណ នាយការិយាល័យចរាចរណ៍ផ្លូវគោកខេត្តសៀមរាប បានឲ្យដឹងថា រថយន្តម៉ាកCamryបាឡែន ពណ៌ទឹកប្រាក់ ពាក់ស្លាកលេខ ភ្នំពេញ 2S-1917 អ្នកបើកបរឈ្មោះ ឡុង ភា (ស្លាប់) ភេទប្រុស អាយុ៣១ឆ្នាំ នៅភូមិវត្ត ឃុំស្រែណូយ ស្រុកវ៉ារិន ខេត្តសៀមរាប ទិសដៅពីកើតទៅលិចមានដឹកមនុស្សចំនួន៦នាក់៖ ១-ឈ្មោះ ឡុង សុភាក់ ភេទប្រុស អាយុ១៩ឆ្នាំ (ស្លាប់) ២-ឈ្មោះ ជា កុសល់ ភេទប្រុស អាយុ១១ឆ្នាំ (របួសធ្ងន់) ៣-ឈ្មោះ ជា បរមី ភេទប្រុស អាយុ១១ឆ្នាំ (របួសស្រាល) ៤-ឈ្មោះ ពា ចិត្រា ភេទប្រុស អាយុ៦ឆ្នាំ (របួសធ្ងន់) ៥-ឈ្មោះ ចាន់ ភេទប្រុស អាយុ២៤ឆ្នាំ (របួសស្រាល) ៦-ឈ្មោះ ចាន់ វីឡា ភេទប្រុស អាយុ១ឆ្នាំ (របួសស្រាល)។ អ្នកទាំង៦នាក់ នៅភូមិវត្ត ឃុំស្រែណូយ ស្រុកវ៉ារិន ខេត្តសៀមរាប ៕
