កម្លាំងគយ និងរដ្ឋាកររាជធានីភ្នំពេញ បានឆ្មក់ចុះពិនិត្យអនុលោមភាពម៉ូតូធំទំនើបៗជាច្រើន ដែលប្រមូលផ្ដុំគ្នា នៅខណ្ឌជ្រោយចង្វារ នាព្រឹកថ្ងៃទី០៨ ខែតុលា ឆ្នាំ២០២២នេះ ។
ចំនួនជាក់លាក់ម៉ូតូដែលត្រូវបានពិនិត្យនោះ មិនទាន់ត្រូវបានសមត្ថកិច្ចគយបញ្ជាក់ឲ្យដឹងនៅឡើយទេ ប៉ុន្ដែសេចក្ដីរាយការណ៍ពីកន្លែងពិនិត្យជាក់ស្ដែង ត្រូវបានគេអះអាងថា រកឃើញជាច្រើនគ្រឿងជាម៉ូតូអត់ពន្ធ ហើយខ្លះទៀតបង់ពន្ធទម្លាក់ឆ្នាំ ។
គួរជម្រាបថា ម៉ូតូធំជាច្រើនគ្រឿងនេះ បានប្រមូលផ្ដុំគ្នាដើម្បីត្រៀមធ្វើដំណើរកម្សាន្ដ ទៅកាន់ខេត្តសៀមរាប ប៉ុន្ដែមិនទាន់បានចេញដំណើរផងក៏ត្រូវសមត្ថកិច្ចគយចុះពិនិត្យតែម្ដង ហើយម៉ូតូធំទាំងនោះត្រូវបានគេដឹងថា ម៉ូតូខ្លះមួយគ្រឿង មានតម្លៃដល់ម៉ឺនដុល្លារឯណោះ ៕
