តារាកំប្លែងជើងចាស់នាយស្មាញបានស្លាប់ រីឯប្រពន្ធរងរបួស ដោយសាររថយន្តធុនធំយីឌុបបើកមិនគោរពភ្លើងស្តុប បណ្ដាល ឲ្យបុកនិងកិនពីក្រោយ។
ហេតុការណ៍នេះបានកើតឡើងកាលពីម៉ោង៤រសៀលថ្ងៃទី២៨ ខែធ្នូ ឆ្នាំ២០១៩ នៅលើផ្លូវ៦០ម៉ែត្រ ក្នុងសង្កាត់ចាក់អង្រែ ក្រោម ខណ្ឌមានជ័យ រាជធានីភ្នំពេញ ។
តាមប្រភពនៅកន្លែងកើតហេតុ បានអោយដឹងថា ដំបូងឡើយគេឃើញរថយន្តយីឌុបធុនធំបើកបរ មិនគោរពភ្លើងស្តុប បណ្ដាលឲ្យកៀកម៉ូតូរបស់នាយស្មាញតារាកំប្លែង ដែលមានប្រពន្ធគាត់ជាអ្នកឌុប បណ្ដាលឲ្យនាយស្មាញ ដែលអង្គុយពី ក្រោយបាត់បង់ជីវិតនិងប្រពន្ធរបួសស្រាល។
ក្រោយពេលកើតហេតុភ្លាមៗ អ្នកបើកបររថយន្តបង្កត្រូវបានប្រជាពលរដ្ឋនៅម្តុំនោះចាប់បានប្រគល់ទៅឲ្យសមត្ថកិច្ច ។ ចំពោះឡាននិងម៉ូតូត្រូវបានឃាត់ទុកក្រោយពីវាស់វែងធ្វើកំណត់ហេតុតាមផ្លូវច្បាប់រួចមក៕
