កំពង់ឆ្នាំង ៖ ឯកឧត្តម យូ ទិត្យវឌ្ឍន: អគ្គព្រះរាជអាជ្ញារង និងលោក តេង រតនា ប្រធានតុលាការខេត្តកំពង់ឆ្នាំង រួមជាមួយ សប្បុរសជនមួយចំនួនទៀត បានឧបត្ថម្ភថវិកាចំនួន២ ១៨០ ០០០ រៀល ដល់ក្មួយស្រីម្នាក់ឈ្មោះ ឈុន កញ្ចនា អាយុ៤ឆ្នាំ ដែលរងរបួសដោយពូថៅធ្លាក់លើដាច់ប្រអប់ជើង ។
នៅរសៀលថ្ងៃទី២៧ ខែកុម្ភ: ឆ្នាំ២០២០ ឯកឧត្តម យូ ទិត្យវឌ្ឍន: អគ្គព្រះរាជអាជ្ញារង និង លោក តេង រតនា ប្រធានតុលាការ
ខេត្តកំពង់ឆ្នាំង បានអញ្ជើញចុះសួសុខទុកនិងយកថវិកាទៅប្រគល់ជូនក្មួយស្រីដែលកំពុងសម្រាកព្យាបាលនៅក្នុងមន្ទីរ
ពេទ្យបង្អែកខេត្តកំពង៉ឆ្នាំង ដោយផ្ទាល់តែម្តង ។
លោកវេជ្ជបណ្ឌិត ទុំ សម្បត្តិ ប្រធានមន្ទីរពេទ្យបង្អែកខេត្តកំពង់ឆ្នាំង បានឲដឹងថា ក្មួយស្រីឈុន កញ្ចនា អាយុ៤ឆ្នាំ មានទីលំនៅ ក្នុងភូមិវត្តថ្មី ឃុំតាជេស ស្រុកកំពង់ត្រឡាច ខេត្តកំពង់ឆ្នាំង ។ ក្មួយស្រីមានបងប្អូន៤នាក់ (ប្រុស៣ ស្រី១ ) នាងជាកូនស្រីពៅ ក្នុងគ្រួសារមួយដែលមានម្តាយជាកម្មការនីរោងចក្រ និង ឪពុកធ្វើជាកម្មក នៅឯខេត្តពោធិសាត់ ។
លោក ទុំ សម្បត្តិ បានឲដឹងទៀតថា នៅពេលដែលក្រុមគ្រួសារបញ្ជូនក្មួយស្រីមកដល់មន្ទីរពេទ្យ ក្រុមគ្រូពេទ្យបានយកចិត្តជួយធ្វើការព្យាបាល ហើយខាងមន្ទីរបានលើកលែងដោយមិនយកថ្លៃសេវាថែមទាំងបានជួយឧបត្ថម្ភនូវថវិកាមួយចំនួនថែមទៀត។
លោកប្រធានមន្ទីរពេទ្យ បានឲដឹងទៀតថា សប្បុរសជនដែលបានជួយឧត្ថម្ភដល់ក្មួយស្រីឈុន កញ្ចនា រួមមាន៖ ១ -លោកតេង រតនា ប្រធានតុលាការខេត្តកំពង់ឆ្នាំង ថវិកាចំនួន២០ម៉ឺនរៀល ២-ឯកឧត្តម យូ ទិត្យវឌ្ឍនៈ អគ្គព្រះរាជអាជ្ញារងចំនួន២០ ម៉ឺនរៀល ៣-លោកវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលចំនួន២០ម៉ឺនរៀល ៤-លោកទី មុនិន្ទ ព្រះរាជអាជ្ញារងអមសាលាដំបូងខេត្តកំពង់ឆ្នាំងចំនួន២០ម៉ឺនរៀល ៥-លោកអុី ឋាវរះ ចៅក្រមសាលាដំបូងខេត្តកំពង់ឆ្នាំង២០ម៉ឺនរៀល ៦-លោក សុខ ឧត្តម ចៅក្រមសាលាដំបូងខេត្តកំពង់ឆ្នាំង២០ម៉ឺនរៀល ៧-វេជ្ជបណ្ឌិត ទុំ សម្បត្តិ ប្រធានមន្ទីរពេទ្យខេត្ត២០ម៉ឺនរៀល ៨-លោកស្រី វេជ្ជបណ្ឌិត អ៊ុក ម៉ូលីវណ្ណ ប្រធានផ្នែកសង្គ្រោះបន្ទាន់មន្ទីរពេទ្យខេត្ត៨ម៉ឺនរៀល ៩-លោកសៀង ប៊ុនណាត ថៅកែស្រាបៀរកម្ពុជាប្រចាំខេត្តកំពង់ឆ្នាំង២០ម៉ឺនរៀល ១០-លោក ប៊ុនធឿន បញ្ជាការរងកងរាជអាវុធហត្ថខេត្តកំពង់ឆ្នាំង ២០ម៉ឺនរៀល ១១-លោកស្រ៊ន សាម៉ុន អាជីវករលក់ចលនទ្រព្យ២០ម៉ឺនរៀល ១២-លោកវេជ្ជបណ្ឌិត សុខគង់ អនុប្រធានមន្ទីរពេទ្យខេត្តថវិកាចំនួន១០ ម៉ឺនរៀល៕
