ឯកឧត្តម អម សុភា អភិបាលរងខេត្តកំពង់ឆ្នាំង អំពាវនាវដល់គ្រប់អ្នកពាក់ព័ន្ធ ជួយគាំទ្រដល់​វិស័យ​កីឡា

  • កំពង់ឆ្នាំង ៖ ឯកឧត្តម អម សុភា អភិបាលរងខេត្តកំពង់ឆ្នាំង បានអំពាវនាវដល់គ្រប់អ្នកពាក់ព័ន្ធ ទាំង​អស់ជួយគាំទ្រដល់វិស័យកីឡា ដើម្បីឲ្យយុវជនងាក​មកលេងកីឡា ហើយជៀសវាងទៅ​ប្រព្រឹត្តនូវ​អំពើអបាយមុខផ្សេងៗ ។ ការអំពាវនាវរបស់ឯកឧត្តមដូចនេះ បានធ្វឡើងនៅក្នុងពិធីបិទការប្រកួត​កីឡា​សិស្សបឋមសិល្សានិងមធ្យមសិក្សាជ្រើសជើង​ឯកថ្នាក់​ខេត្ត នាព្រឹកថ្ងៃទី២០ ខែកុម្ភៈ ឆ្នាំ២០២៣ ។

    ឯកឧត្តម អម សុភា បានបន្តថា កីឡានាំមកនូវសុខភាព និងជាសកម្មភាពមិនអាចខ្វះបាន ក្នុងកិច្ចអភិវឌ្ឍន៍សង្គម សេដ្ឋកិច្ច និងធន  ធានមនុស្ស ។ ដូចនេះសិស្សានុសិស្សទាំងអស់ត្រូវ​ចូលរួមលេងកីឡា ។

    ឯកឧត្តម អភិបាលរងខេត្តកំពង់ឆ្នាំង ក៏បានបញ្ជាក់ថា នៅក្នុងខែឧសភា ឆ្នាំ២០២៣ ជាព្រឹត្តិការណ៍ប្រវត្តិសាស្ត្រ ដែលកម្ពុជាមាន កិត្តិយស ធ្វើជាម្ចាស់ផ្ទះការប្រកួតកីឡាស៊ីហ្គេម ។ តាមរយះ​​ព្រឹត្តិការណ៍​នេះ ជាមោទនភាពជាតិ ដែលព្រះរាជាណាចក្រកម្ពុជា បាន បង្ហាញពីសន្តិភាព សាមគ្គីភាព សុខដុម​នីយ​ភាព វិសេសភាពនៃអរិយធម៌ វប្បធម៌ និងសក្តានុពលរបស់កម្ពុជា ទៅកាន់​សកល​លោកផងដែរ ។

    ជាមួយគ្នានេះ លោក ស៊ឹម ប្រឹម ប្រធានមន្ទីរ អប់រំយុវជននិងកីឡា ខេត្តកំពង់ឆ្នាំង បានឲ្យដឹងថា ការប្រកួតកីឡាសិស្សបឋមសិក្សា​និង​មធ្យម​សិក្សា ជ្រើសរើសជើងឯកប្រចាំឆ្នាំ​២០២២,២០២៣ នៅខេត្តកំពង់ឆ្នាំង បានចាប់ផ្តើមពីថ្ងៃទី១៤ ដល់ថ្ងៃទី២០ខែកុម្ភៈ ដោយមានប្រតិភូ គ្រូបង្វឹក និងកីឡាករកីឡាការនី ចូលរួមសរុបចំនួន ១ ៧០០នាក់ ៕

    ព័ត៌មាន​ទាក់​ទង

    ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង