កំពង់ឆ្នាំង ៖ កម្លាំងកងរាជអាវុធហត្ថខេត្តកំពង់ឆ្នាំង បានឃាត់ខ្លួនបុរសម្នាក់ជាមួយនឹងថ្នាំញៀនចំនួន៨កញ្ចប់ ។ ការឃាត់ខ្លួនជនសង្ស័យនេះបានធ្វើឡើងកាលពីវេលាម៉ោង៨និង៣០នាទី ថ្ងៃទី២៣ ខែមករា ឆ្នាំ២០២០ នៅចំណុចឃុំផ្សារ ស្រុកបរិបូណ៍ ខេត្តកំពង់ឆ្នាំង ។
មន្ត្រីកងរាជអាវុធហត្ថ បានឲ្យដឹងថា ជនសង្ស័យឈ្មោះ វ័ន្ត ហៃ ភេទប្រុស អាយុ ៤៥ឆ្នាំ មានទីលំនៅ ក្នុងភូមិស្នោ ឃុំខុនរ៉ង ស្រុកបរិបូណ៌ ខេត្តកំពង់ឆ្នាំង ដោយចោទពីបទចែកចាយនិងរក្សាទុកដោយខុសច្បាប់នូវសារធាតុញៀន ។
មន្ត្រីកងរាជអាវុធហត្ថ ឲ្យដឹងទៀតថា នៅក្នុងប្រតិបត្តិការឃាត់ខ្លួនជនសង្ស័យនោះ កម្លាំងកងរាជអាវុធហត្ថដកហូតបានម្សៅក្រាមសថ្លា(ម៉ាទឹកកក)ចំនួន៨កញ្ចប់ ទម្ងន់២៥,៦៤ ក្រាម និង ម៉ូតូមួយគ្រឿងម៉ាកហុងដាC125 ពណ៌ខ្មៅ ពាក់ស្លាកលេខពោធិសាត់ 1D.07 54 ។
បច្ចុប្បន្នជនសង្ស័យ ត្រូវបានការិយាល័យជំនាញកំពុងសាកសួរ កសាងសំណុំរឿង អនុវត្តទៅតាមនិតិវិធីច្បាប់ ៕
