ប្រទះឃើញសពបុរសម្នាក់ត្រូវគេសម្លាប់រួចដុតចោល នៅខណ្ឌកំបូល រាជធានីភ្នំពេញ

សពបុរសម្នាក់ត្រូវ​បានគេប្រទះឃើញសង្ស័យជាករណីឃាតកម្មយកក្រមារឹតកសម្លាប់ រួចដុតបំផ្លាញសាកសព នៅចំណុច​ព្រៃស្មៅ ដីម៉ុងខ្មោច ក្រោយ​វត្តតាភេម ​ភូមិកំបូល សង្កាត់កំបូល ខណ្ឌកំបូល រាជធានី​ភ្នំពេញ។ ហេតុការណ៍នេះ បានបង្កឲ្យមាន​ការភ្ញាក់ផ្អើល នៅព្រឹកថ្ងៃទី២៣ ខែ​មករា ឆ្នាំ២០២០នេះ ។

ប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើត ហេតុកាលពីម្សិលមិញ ម៉ោងប្រហែល១១៖០០ថ្ងៃត្រង់ គេឃើញ ជន​រង​គ្រោះ​ខាង​លើ​នោះ ដើរចូលទៅកន្លែងទីតាំងកើតហេតុ ដោយមានយួរស្រាបៀរ១ថង់ និងសាច់ក្លែមទៅជាមួយ ហើយ មិន​ឃើញ​បុរស​នោះ​ត្រឡប់​មកវិញ​ឡើយ។ លុះព្រឹក មិញនេះ ក៏មានកម្មករសំណង់ម្នាក់បានដើរទាក់លលក ក៏ស្រាប់តែប្រទះ ឃើញសាកសពបុរសម្នាក់ អត់​មាន​ពាក់​អាវ​ស្លៀក​តែខោ ដេកស្លាប់នៅក្នុងព្រៃស្មៅ។

បច្ចុប្បន្នសមត្ថកិច្ចមូលដ្ឋាន និងសមត្ថកិច្ចជំនាញកោសល្យវិច្ច័យ នៃស្នងការដ្ឋាននគរបាលរាជធានីភ្នំពេញ បានចុះទៅដល់កន្លែង កើតហេតុ ដើម្បី​ធ្វើការស្រាវជ្រាវបន្ដទៀត៕

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង