កំពង់ឆ្នាំង៖ សម្តេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល ឧបនាយករដ្ឋមន្រ្តី រដ្ឋមន្រ្តីក្រសួងព្រះបរមរាជវាំងនិង ជាអ្នកតំណាងរាស្រ្តមណ្ឌលកំពង់ឆ្នាំង បានឧបត្ថម្ភថវិកា និងអំណោយជាស្បៀងអាហារជូនដល់រដ្ឋបាលខេត្តកំពង់ឆ្នាំង សម្រាប់ទុកចែក ជូនដល់បងប្អូនប្រជាពលរដ្ឋដែលកំពុងធ្វើចត្តាឡីស័ក នៅតាមមណ្ឌលនានាក្នុងខេត្តកំពង់ឆ្នាំង ។
អំណោយរបស់សម្តេចចៅហ្វាវាំង គង់ សំអុល ដែលបានផ្តល់ជូននោះរួមមាន រួមមាន ថវិកា អង្ករ ទឹកសុទ្ធ និង មី ជាដើម។ ពិធីប្រគល់ ថវិកា និងអំណោយជាស្បៀងអាហារជូនដល់រដ្ឋបាលខេត្តកំពង់ឆ្នាំងនេះ ត្រូវបានធ្វើឡើងនាព្រឹកថ្ងៃទី១១ ខែសីហា ឆ្នាំ២០២១នេះ ។
