ប៉ុស្ត៍លេខ៥ ជប់លៀងលើកទឹកចិត្តផលិតករ អ្នកសិល្បៈ និងបុគ្គលិក ក្រោយបញ្ចប់បេសកកម្មផលិតភាពយន្តខ្មែរ ចំនួន៣រឿង

បន្ទាប់​ពីបញ្ចប់​បេសកម្ម​ផលិត​និង ​ថតភាព​យន្តចំនួន ​៣ ​រឿង​ព្រមគ្នា​រួចមក​ ស្ថានីយ​ទូរទស្សន៍​ប៉ុស្ត៍​លេខ​ ៥ ​បាន​ធ្វើ​ពីធី​ជប់​លៀង​អបអរ​ និង​លើក​​ទឹក​ចិត្ត​ដល់​ ក្រុម​ផលិតករ ​តារា​សិល្បៈ​ ព្រម​ទាំង​បុគ្គ​លិក​ ។ កម្មវិធី​នេះ​បានប្រារព្ធធ្វើឡើង​នៅក្នុង​ភោជនីយដ្ឋានសមុទ្រ​ព្រិល​ នារាត្រី​ថ្ងៃទី ១៨ ​ខែមករា ​ឆ្នាំ២០២០ ។
ពិធី​ជប់​​លៀង​​បិទ​​ប​ញ្ចប់​ការថត​​ភាព​យន្ត​ភាគ​ខ្មែរ​នេះ​ក៏​សង្កេត​ឃើញ មាន​ការចូលរួម​យ៉ាង​ច្រើន​កុះករ​ពីសំណាក់​តារា​ល្បីៗ​ជា​ច្រើន​ដួង​។​ ក្នុង​នោះ​មាន​ដូចជា​ កញ្ញា​ ព្រះកាយច័ន្ទ កញ្ញា ​ទឹម​ រដ្ឋា ​លោក ​អៀង ​ចេនឡា​ លោក​ លឹម រដ្ឋា ​និង ​តារាកិត្តិ​យស​ល្បីៗ ​ព្រម​ទាំង​ក្រុម​ផលិតករ​ខ្មែរ-​ថៃ​ ជាច្រើន​រូប​បាន​អញ្ជើញ​មាន​វត្តមាន​នៅក្នុង​កម្មវិធី​។
យ៉ាង​ណាមិញ ខ្សែ​ភាពយន្តទាំ​ង​៣ ដែល​ទើប​តែ​បញ្ចប់ការ​ថត​ថ្មីៗ​ ក្នុងនោះ​រួមមាន​រឿង « ភ្លើង​គុំនំ »​ រឿង « និស្ស័យ​ខ្លុយ​ស្នេហ៍ ​» និង​រឿង​ « សម្បថ​ដង​ស្ទឹង ​»។ ហើយ​ភាពយន្តទាំង​នេះ​ក៏ជាស្នាដៃ​របស់ក្រុម​ផលិតករ​មកពី​ប្រទេស​ថៃ សហ​ការ​​ជាមួយ​នឹង​ក្រុម​ផលិតករ​ខ្មែរប៉ុស្ត៍​លេខ​ ៥​ រួម​គ្នា​ដើម្បីផលិតជា​ខ្សែ​ភាពយន្ត​ដ៏ល្អឯក​ ដើម្បីបម្រើ​ចំណីចក្ខុ​របស់​ទស្សនិកជន​អ្នកគាំ​ទ្រ​ដល់​ស្ថានីយ​ទូរទស្សន៍​ប៉ុស្ត៍​លេខ​៥  ពិសេស​នោះ​គឺ​ដើម្បី​គាំទ្រ​វិស័យ​កុ​ន​ខ្មែរ​ ឱ្យ​កាន់​តែល្បី​ល្បាញ​ថែម​ទៀត​ផង។
ចង់ដឹងថា​សាច់រឿង​​ដែល​ជាស្នាដៃថ្មី​នេះមាន​ការអញ្ជើញ​​ចូលរួម​សម្ដែង​ពីតារា​ល្បីៗ​រូបណា​ខ្លះ ពិសេស​សាច់​រឿង​មាន​ភាព​ប្រទាក់​ក្រឡា​ និង​គួ​រ ឱ្យ​ចាប់​អារម្មណ៍​កម្រិត​ណា ​សូម​កុំភ្លេច​រង់ចាំ​តាមដាន​ទស្សនា​នៅលើ​កញ្ចក់​ទូរទស្សន៍​ប៉ុស្ត៍លេខ​៥ក្នុង​ពេលឆាប់​ៗ​ខាងមុខ​នេះ​៕

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង