កំពង់ឆ្នាំង ៖ អ្នកភូមិព្រះរាមរង្សីចំនួន៤៨នាក់ដែលពាក់ព័ន្ធជាមួយអ្នកជំងឺកូវិដ១៩ លទ្ធផលតេស្តលើកទីមួយ អវិជ្ជមានទាំងអស់ ។ នេះបើតាមការបញ្ជាក់ពីលោកវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាល ខេត្តកំពង់ឆ្នាំង នៅព្រឹកថ្ងៃទី២២ ខែមេសា ឆ្នាំ២០២១ នេះ ។
សូមបញ្ជាក់ថា មានបុរសម្នាក់អាយុ៥៧ រស់នៅស្រុករលាប្អៀរ ខេត្តកំពង់ឆ្នាំង បានស្លាប់ ដោយសាជំងឺកូវីដ១៩ កាលពីយប់ថ្ងៃទី១៨ ខែមេសា ឆ្នាំ២០២១ ។
លោកវេជ្ជបណ្ឌិត ប្រាក់ វ៉ុនប្រធានមន្ទីរសុខាភិបាលខេត្តកំពង់ឆ្នាំង បានឲ្យដឹងថា បុរសដែលស្លាប់ដោយសារជំងឺកូវីដ១៩នេះ មានឈ្មោះនូ ចុល អាយុ៥៧ រស់នៅភូមិព្រះរាមរង្សី ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង ។
គួរបញ្ជាក់ថា នេះជាករណីលើកដំបូងហើយដែលមានអ្នកស្លាប់ ដោយសារជំងឺកូវីដ-១៩ នៅក្នុងខេត្តកំពង់ឆ្នាំង៕
