កំពង់ឆ្នាំង៖ បុរសម្នាក់មានជំងឺកូវីដ១៩ ទើបព្យាបាលជាសះស្បើយ ហើយគ្រូពេទ្យតម្រូវឲ្យធ្វើចត្តាឡីស័កបន្ត១៤ថ្ងៃ និងត្រូវរង ចាំធ្វើសំណាកលើកចុងក្រោយម្តងទៀតនៅថ្ងៃទី២០ ខែមេសា ខាងមុខ បែរជាល្មើស លួចរត់ពីភ្នំពេញមកដល់ពង្រខេត្តកំពង់ឆ្នាំង ត្រូវចាប់យកទៅធ្វើចត្តាឡីស័កវិញទាំងយប់ ។
លោកវេជ្ជបណ្ឌិត គង់ ច័ន្ទធា ប្រធានការិយាល័យបង្ការនិងគ្រប់គ្រងជំងឺ នៃមន្ទីរសុខាភិបាលខេត្តកំពង់ឆ្នាំង បានឲ្យដឹងថា គាត់ជាអ្នកចម្លងជំងឺកូវិដ.19 ដល់បងរបស់គាត់២នាក់ប្តីប្រពន្ធ ដែលមានចំការនិងកសិដ្ឋាន នៅភូមិទ័ពត្បែង ឃុំពង្រ ស្រុករលាប្អៀរ ខេត្តកំពង់ឆ្នាំង ។
លោកវេជ្ជបណ្ឌិត គង់ ច័ន្ទធា បានឲ្យដឹងទៀតថា បុរសរូបនេះឈ្មោះជា សូនី ភេទប្រុស អាយុ៣៤ឆ្នាំ មានអាស័យដ្ឋាននៅរាជធានី ភ្នំពេញ ត្រូវបញ្ជូនឲ្យទៅធ្វើចត្តាឡីស័កនៅមណ្ឌលចត្តាឡីស័ក ស្រុកទឹកផុស វេលាជាង១០យប់ថ្ងៃទី៨ ខែមេសា ឆ្នាំ២០២១ ៕
