កំពង់ឆ្នាំង ៖ យុវជនម្នាក់បានរងរបួសធ្ងន់និងបានស្លាប់ពេលបញ្ជូនទៅកាន់មន្ទីរពេទ្យក្រោយពីបានជិះម៉ូតូក្នុងល្បឿនយ៉ាងលឿនទៅបុគសត្វគោមួយក្បាល។
ហេតុការណ៍នេះបានកើតឡើងកាលពីវេលាម៉ោងជាង៥ល្ងាចថ្ងៃទី២៣ ខែមីនា ឆ្នាំ២០២១ នៅចំណុចចន្លោះភូមិក្រោយជី ឃុំពពេលនិងភូមិថ្លុកជ្រៅ ឃុំអញ្ចាញរូង ស្រុកបរិបូរណ៍។
ប្រជាពលរដ្ឋដែលស្ថិតកន្លែងកើតហេតុបានឲ្យដឹងថា នៅមុនពេលកើតហេតុ ជនរងគ្រោះបានជិះម៉ូតូ១គ្រឿង ពាក់ស្លាកលេខភ្នំពេញ 1CV- 8044 ក្នុងល្បឿនយ៉ាងលឿន ពេលមកដល់ចំណុចកើតហេតុ ក៏វ៉ាក់នឹងសត្វគោមួយក្បាល និង បានបុកពេញមួយទំហឹងបណ្តាលឲ្យសត្វគោដួលបាក់ជើងម្ខាង ចំណែកឯជនរងគ្រោះដួលបោកក្បាលហូរឈាមសន្លប់ស្តូកស្តឹង ត្រូវបានបញ្ជូនទៅសង្រ្គោះនៅមន្ទីរពេទ្យបង្អែកស្រុកបរិបូរណ៍ ប៉ុន្តែដោយសារស្ថានភាពធ្ងន់ធ្ងរពេកបានបានស្លាប់ ពេលបញ្ជូនទៅដល់មន្ទីរពេទ្យ ។
សមត្ថកិច្ចបានឲ្យដឹងថា រហូតមដល់ពេលនេះ ជនរងគ្រោះពុំទាន់ស្គាល់អត្តសញ្ញាណនោះទេ ហើយសពជនរងគ្រោះបានតម្កល់ទុកនៅមន្ទីរពេទ្យដើម្បីរង់ចាំក្រុមគ្រួសារមកទទួល យកទៅធ្វើបុណ្យ តាមប្រពៃណី៕
