លោកពុធ បូ ជាប្រធានសហគមន៍ បឹងស្នេហ៍ ទួលពាន់តាឡីស្ថិតក្នុងឃុំធាយ ស្រុកបារភ្នំ ខេត្តព្រៃវែង បានឲ្យដឹងថា គិតចាប់ពីថ្ងៃទី ១៧ ដល់ថ្ងៃទី២១ ខែមីនា ឆ្នាំ២០២១នេះ មានសត្វស្លាបដែលរស់នៅបឹងស្នេហ៍ ទួលពាន់តាឡី បានងាប់ជាបន្តបន្ទាប់ ដោយមិនដឹងពីមូលហេតុ ។

លោកប្រធានសហគមន៍ បានឲ្យដឹងទៀតថា បើតាមការសន្និដ្ឋានរបស់លោក ប្រហែលមកពីសត្វទាំងអស់នោះហើរទៅរកចំណីនៅទីឆ្ងាយ អាចប៉ះជាមួយនឹងបងប្អូនប្រជាពលរដ្ឋដែលគាត់ដាក់ថ្នាំបំពុល ឬក៏បាញ់ថ្នាំសម្លាប់ស្មៅ សម្លាប់ខ្យង នៅតាមវាលស្រែ ហើយសត្វទាំងអស់នេះតែងតែទៅរកចំណីនៅទីនោះហើយស៊ីរបស់ទាំងអស់នោះអាចបណ្ដាលឲ្យពុលងាប់និង មួយទៀតអាចមកពីអាកាសធាតុក្តៅខ្លាំង ៕

