កំពង់ឆ្នាំង ៖ ឯកឧត្តម លឹម គានហោ រដ្ឋមន្ត្រីក្រសួងធនធានទឹកនិងឧតុនិយម រួមដំណើរដោយ ឯកឧត្តម លោកជំទាវ ជារដ្ឋលេខាធិការ មន្ត្រីបច្ចេកទេស និង មន្ត្រីអាជ្ញាធរខេត្ត នៅថ្ងៃទី១០ ខែកក្កដា ឆ្នាំ២០២០ បានអញ្ជើញចុះពិនិត្យមើលគម្រោងទំនប់ស្ទាក់ទឹកលំហាច ដែលមានទីតាំង ស្ថិតនៅក្នុងស្រុកបរិបូណ៍ ខេត្តកំពង់ឆ្នាំង ។
គម្រោងលំហាច ជាអនុគម្រោងមួយ ក្នុងចំណោមអនុគម្រោងទាំង៦ នៃគម្រោងកែលំអនិងស្តារឡើងវិញប្រព័ន្ធស្រោចស្រពនិងប្រព័ន្ធរំដោះទឹកភាគខាងលិចបឹងទន្លេសាប ក្រោមហិរញ្ញប្បទានសម្បទាន របស់ប្រទេសជប៉ុន ។ គម្រោងនេះបានចាប់ផ្តើមធ្វើការសាងសង៎ កាលពីខែមិនា ឆ្នាំ២០១៦ ហើយគម្រោងនេះនឹងបញ្ចប់នៅចុងខែធ្នូ ឆ្នាំ២០២០ ៕
