មេឃភ្លៀងលាយឡំនិងខ្យល់កន្រ្តាក់ កាលពីវេលាម៉ោង៤:៣០នាទីរសៀល ថ្ងៃទី៣១ ខែឧសភា ឆ្នាំ២០២០ បានធ្វើអោយប៉ើងរបើកដំបូលផ្ទះកប្រក់ស័ង្កសីរបស់ប្រជាពលរដ្ឋមួយខ្នងនៅភូមិកំពង់អួរ ឃុំខុនរ៉ង ស្រុកបរិបូណ៍ ខេត្តកំពង់ឆ្នាំង។
បើតាមរដ្ឋបាលស្រុកបរិបូណ៍ បានអោយដឹងថា ផ្ទះដែលប៉ើងរបើកដំបូលខាងលើ មានបណ្តោយប្រវែង ១១ម៉ែត្រ គុណនឹង៤ម៉ែត្រ និងមានម្ចាស់ឈ្មោះ មានម្ចាស់ឈ្មោះ សាំង សុភ័ណ្ឌ ភេទប្រុស អាយុ ៤០ ឆ្នាំ ។
រដ្ឋបាលស្រុកបរិបូណ៍ បានអោយដឹងទៀតថា ហេតុការណ៍ខាងលើមិនបង្ក ឲ្យមានគ្រោះថ្នាក់ដល់មនុស្សណាម្នាក់នោះទេ៕
