ព្រឹកនេះ!កម្មករ កម្មការិនីតាមរោងចក្រនានាក្នុងខេត្តកំពង់ឆ្នាំង ភាគច្រើនបំផុត នៅបម្រើការងារជាធម្មតា

ដោយគោរពតាមការណែនាំរបស់រាជរដ្ឋាភិបាល និងដើម្បីចូលរួមទប់ស្កាត់ការរីករាលដាលជំងឺកូវីដ១៩នោះមកដល់ព្រឹកថ្ងៃទី ១៣​ ខែមេសា ឆ្នាំ២០២០ កម្មករ កម្មការិនី នៅតាមរោងចក្រភាគច្រើនបំផុត នៅក្នុងខេត្តកំពង់ឆ្នាំង នៅតែបន្តធ្វើការរបស់​ពួក​គេ​​​ជាធម្មតាមិនមាននរណា ត្រឡប់ទៅស្រុកកំណើតនោះឡើយ។

គួរបញ្ជាក់ថា រាជរដ្ឋាភិបាលកម្ពុជា បានសម្រេចលើកពេលនៃការឈប់សម្រាកបុណ្យចូលឆ្នាំចាប់ពីថ្ងៃទី១៣ រហូតដល់​ថ្ងៃទី​១៦ ខែ​មេសា ពោលមន្ត្រីរាជការ កងកម្លាំងប្រដាប់អាវុធ កម្មករ និយោជិត និងបុគ្គលិកក្រុមហ៊ុននានា នៅតែធ្វើការជា​ធម្មតា​ក្នុង​កំលុងពេលបុណ្យចូលឆ្នាំថ្មីនេះ។ ការសម្រេចលើកពេលឈប់សម្រាកបុណ្យចូលឆ្នាំនេះ ដើម្បីទប់ស្កាត់ការជួបជុំ ដែល​ជា​ដើមចមដ៏ធំបំផុតនាំឱ្យផ្ទុះឡើងនូវជំងឺកូវីដ១៩នៅក្នុងប្រទេសកម្ពុជា៕

 

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង