លោក​ យ៉ន ​សេង​ហាន​ ត្រូវបាន​ព្រះមហាក្សត្រ​ចេញ​ព្រះរាជ​ក្រឹត្យ​​ត្រាស់​បង្គាប់ ​ផ្ដល់ងារ​ជា​ឧកញ៉ា​

មហាជនមួយចំនួនពិតណាស់ ដែលបានស្គាល់ថាលោកយ៉ន សេងហាន គឺជាបុគ្គលដ៍ជោគជ័យ មួយរូបផ្នែក​លក់ដីឡូត៏​ច្រើន​ហិច​​តា និងវិវត្តន៏ខ្លួនលើមុខរបរបន្តបន្ទាប់។ ធ្លាប់ស្គាល់រសជាតិជីវិត លំបាកកម្សត់ច្រើនរូបភាពពីអតីតកាល ទើបស្ថិត​ក្នុងជីវិត​មួយ​ប្រសើរ​លោក សេងហានរមែង ដឹកនាំក្រុមការងារគ្រប់ជាន់ថ្នាក់ ធ្វើអំពើល្អជួយដល់សង្គម បែបមនុស្សធម៌ គិតគូអ្នក​ទីទ័ល​ក្រ ចាស់ជរានិងកុមារ។ ទីបំផុតលោកសម្រេចគោលដៅមួយយ៉ាងធំ។

អាចថានេះជាគម្រូមួយរូបទៀតហើយ សម្រាប់ទុកដល់បងប្អូន ដែលកំពុងតស៊ូ រស់នៅធ្វើការ ដើម្បីជាកម្លាំងចិត្តពុះពារ រាល់​ឧបសគ្គ​ទាំងអស់ ឆ្ពោះទៅរកភាពជោគជ័យ ព្រោះគ្មានអ្វីក្រៅពីការរៀនពីមនុស្សជុំវិញខ្លួន ហើយយកមកកែច្នៃដោយ​ខ្លួន​ឯង​។ បើរំលឹកដល់ពីរឿង ច្រើនឆ្នាំមុនលោកយ៉ន សេងហាន ជាអ្នកខ្វះខាតម្នាក់ សូម្បីតែប្រាក់៤០មុឺន រៀលក៏គ្មាន ដើរ​ខ្ចី​គេធ្វើ​ដើម​លក់​ស្បែកជើង ។ក្រោមពាក្យចាស់បុរាណលើកឡើងថា «ព្យយាមគង់បានសម្រេច» ភាពអត់ធ្មត់ពីមួយ ដំណាក់កាល​ទៅមួយ​ដំណាក់កាល ធ្វើអោយរីកចម្រើន ឡើងទៅៗ រហូតក្លាយជាបុគ្គលឆ្នើមខាងរកសុីវិស័យទិញលក់ដី ផ្ទះសព្វថ្ងៃនេះ។

ម្នាក់ៗមានការកោតសរសើរស្រាប់តែក្នុងពេលនេះ លោក យ៉ន សេងហាន ត្រូវបានព្រះមហាក្សត្រត្រាស់បង្គាប់ផ្ដល់​គោរមងារ​ជាឧកញ៉ាគួរអោយភ្ញាក់ផ្អើល។ មានការបង្ហើបថាលោកតស៊ូប្រកបរបរតាំងពីមុខរបរតូចយ៉ាងលំបាករហូតដល់មុខរបរធំ និង ចូលរួមក្នុងសកម្មភាពសប្បុរសធម៌១២ឆ្នាំ ទម្រាំក្លាយខ្លួនជាបុគ្គលជោគជ័យនៅក្នុងពេលនេះ។

យោងតាមព្រះក្រឹត្សដែលចុះព្រះហត្ថលេខាកាលពីថ្ងៃទី២១ កុម្ភៈ ឆ្នាំ២០២០ មានខ្លឹមសារថា”យើងព្រះករុណាព្រះបាទសម្ដេច​ព្រះបរមនាថ នរោត្តម សីហមុនី សមានភូមិជាតិសាសនា រក្ខតខត្តិយា ខេមរារជ្ជរាស្ត្រ ពុទ្ធិន្ទ្រាធរាមហាក្សត្រ ខេមរាជនា សមូ​ហោ​ភាស កម្ពុជឯករាជរដ្ឋបូរណសន្តិ សុភមង្គលា សិរីវិបូលា ខេមរាស្រីពិរាស្ត្រ ព្រះចៅក្រុងកម្ពុជាធិបតី(យោងតាមសេចក្ដី ក្រាបបង្គំទូលថ្វាយរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជណាចក្រកម្ពុជា) ត្រាស់បង្គាប់ ផ្ដល់គោរមងារ លោ យ៉ន សេងហាន ជាឧកញ៉ា។

ជាមួយនឹងព្រះរាជក្រឹត្យ ដែលបានបង្ហោះឡើង គេឃើញកូនសិស្សរបស់លោករាប់រយនាក់បង្ហោះសារអបអរសាទរ។ នេះជា​សមិទ្ធិផលធំមួយ ដែលអគ្គនាយកក្រុមហ៊ុន សេងហានរូបនេះ បានទទួល បន្ទាប់ពីហែលឆ្លង​ពីជីវិតពោរពេញ​ដោយការតស៊ូ​ស្ទើរតែពាក់កណ្ដាលជីវិត។


លោក យ៉ន សេងហាន ក៏ជាគ្រូបណ្ដុះបណ្ដាលអាជីវកម្មជោគជ័យដ៏ល្បីឈ្មោះម្នាក់ផងដែរ។ មុនទទួលងារជាឧកញ៉ាប៉ុន្មានថ្ងៃ លោកធ្លាប់បង្ហោះថា ពិតជាមិនគួរអោយជឿទេ ដែលអាពាហ៍ពិពាហ៏កាលពី១២ឆ្នាំ សូម្បីថ្លៃទឹកដោះបង្គាប់១៥០០ដុល្លារ ក៏​លោក​គ្មានគ្រប់ មានតែ៦០០ដុល្លារ (ជំពាក់គេ៩០០ដុល្លារ) និង មានតែ១០ម៉ឺនរៀលតស៊ូរស់ជាមួយភរិយា ដោយជាប់​បំណុល​គេជាច្រើន ពីព្រោះតែម្ដាយឪក្មេក យកលុយគេមករៀបការអោយ។ លោកក៌ត្រូវគេស្គាល់ថា គឺជាសប្បុរសជនមួយរូប ដែល​តែងតែដឹកនាំក្រុមការងារធ្វើកិច្ចការសង្គមដូចជាចែកអំណោយផ្សេងៗនៅក្នុងសហគមដែលលោកបោះ​ គម្រោងធ្វើ​អាជីវកម្ម​ពុះដីឡូតិ៍ និងសង់បុរី ជាពិសេសក្នុងទឹកដីខេត្តត្បូងឃ្មុំ និង ខេត្តកំពុងស្ពឺ ខណៈដែលក្រុមហ៊ុនរបស់លោកក៌មានស្នាដៃ​ក្នុងការ​លើកផ្លូវ ជីកប្រឡាយ និងអភិវឌ្ឍន៏សហគមន៏ជាច្រើន តាំងពីជោគជ័យក្នុងអាជីវកម្មដីធ្លី។

 

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង