ប្រសិនគ្មានការប្រែប្រួលនោះទេ សន្និបាតបូកសរុបលទ្ធផលការងារឆ្នាំ២០១៩ និងលើកទិសដៅអនុវត្តឆ្នាំ២០២០របស់រដ្ឋបាលខេត្តកំពង់ឆ្នាំង នឹងប្រព្រឹត្តទៅនៅថ្ងៃទី២៦-២៧ ខែកុម្ភ: ឆ្នាំ២០២០ខាងមុខ នៅសណ្ឋាគារសុខថៃសាន្តក្នុងក្រុងកំពង់ឆ្នាំង។
គួររំលឹកថា នៅក្នុងកិច្ចប្រជុំការងារត្រៀមរៀបចំសន្និបាតនេះកាលពីរសៀលថ្ងៃទី២១ ខែកុម្ភ: នៅសាលប្រជុំសាលាខេត្តកំពង់ឆ្នាំង ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង បានជម្រុញឱ្យក្រុមការងារយកចិត្តទុកដាក់បំពេញការងារ និងពង្រឹងការអនុវត្តតួនាទីភារកិច្ចរបស់ខ្លួនប្រកបដោយការទទួលខុសត្រូវខ្ពស់ ដើម្បីធានាឱ្យការងាររៀបចំសន្និបាតបូកសរុបលទ្ធផលការងាររបស់រដ្ឋបាលខេត្តនាពេលខាងមុខនេះទទួលជោគជ័យតាមការគ្រោងទុក។
គួរបញ្ជាក់ថា នៅក្នុងកិច្ចប្រជុំការងារត្រៀមរៀបចំសន្និបាតនេះមានការអញ្ជើញចូលរួមពីនាយក នាយករងរដ្ឋបាលសាលាខេត្ត លោក លោកស្រីនាយកទីចាត់ការ ប្រធាន អនុប្រធានអង្គភាពនិង ប្រធាន អនុប្រធានការិយាល័យសាលខេត្ត៕
