មន្រ្តីរាជការនៃមន្ទីរព័ត៌មានខេត្តកំពង់ឆ្នាំង កាលពីរសៀលថ្ងៃទី៤ ខែកុម្ភះ ឆ្នាំ២០២០ បានចូលរួមរំលែកទុក្ខជាមួយគ្រួសារសព លោកកែវ សឿងសោភ័ណ អតីតប្រធានមន្ទីររៀបចំដែនដី នគររូបនីយកម្មសំណង់និង សុរិយោដីខេត្តកំពង់ឆ្នាំង ដែលបានទទួលមរណៈភាព នៅវេលាម៉ោង៨និង០៨នាទីយប់ ថ្ងៃទី០៣ ខែកុម្ភះ ឆ្នាំ២០២០ ដោយរោគារពាធ នៅគេហដ្ឋានសព ស្ថិតក្នុងភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង។
លោក ឈាង វណ្ណៈ លោកហឹង ចូច និង លោកម៉ៅ សុខា ព្រមទាំងមន្រ្តីរាជការនៃមន្ទីរព័ត៌មានខេត្តកំពង់ឆ្នាំងទាំងអស់ បានសម្តែងនូវការសោកស្តាយ និង ឧទ្ទិសបួងសួងដល់ដួងវិញ្ញាណក្ខន្ធលោក កែវ សឿងសោភ័ណ សូមបានទៅកាន់ទីសុគតិភពកុំបីឃ្លៀងឃ្លាតឡេីយ។
ក្នុងឱកាសនោះលោក ឈាង វណ្ណៈ លោក ហឹង ចូច និង លោកម៉ៅ សុខា ព្រមទាំងសហការី ក៏បាននាំនូវថវិកាចូលបុណ្យជាមួយគ្រួសារលោក កែវ សឿងសោភ័ណ នូវបច្ច័យចំនួន ៨០០.០០០រៀល ផងដែរ៕
