កំពង់ឆ្នាំង ៖ ស្រ្តីមានផ្ទៃពោះ ស្ត្រីមានកូនតូច ចំនួន ៦៣គ្រួសារ និង ចាស់ជរាគ្មានទីពឹង ចំនួន៣០គ្រួសារ នៅក្នុងស្រុកកំពង់លែង បានទទួលអំណោយពី សាខាកាកបាទក្រហមកម្ពុជា ខេត្តកំពង់ឆ្នាំង ។
អំណោយមនុស្សធម៌នេះ ត្រូវបានលោកជំទាវ កែ ច័ន្ទមុនី អនុប្រធានកិត្តិយសសាខា ឯកឧត្តម កែវ ពៅ អនុប្រធានកិត្តិយសសាខា នាំយកទៅចែកជូន នាព្រឹកថ្ងៃទី២០ ខែកុម្ភៈ ឆ្នាំ២០២២ នេះ ។
សម្រាប់ស្ត្រីមានផ្ទៃពោះ ស្រ្តីមានកូនតូច ចំនួន ៦៣គ្រួសារ ក្នុង១គ្រួសារ ទទួលបានអង្ករចំនួន២៥គីឡូក្រាម មី១កេះ ត្រីខ១យួរ ឃីត១កញ្ចប់ ( មានមុង១ ភួយ១ ក្រមា១ សារ៉ុង១ កន្សែងពោះគោ១ អាវយឺត១ សាប៊ូ២ដុំ ) និង ថវិកាមួយចំនួន ។ ដោយឡែកចាស់ជរាគ្មានទីពឹង ចំនួន៣០គ្រួសារ ក្នុង១គ្រួសារទទួល បានអង្ករចំនួន២៥គីឡូក្រាម មី១កេះ ត្រីខ១យួរ ឃី១កញ្ចប់ ( មានមុង១ ភួយ១ ក្រមា១ សារ៉ុង១អាវយឺត១ ) និង ថវិកាមួយចំនួន ៕
