កំពង់ឆ្នាំង ៖ព្រះធម្មវនវាសី ចន្ទមុនី ព្រះបាឡាត់គណខេត្តកំពង់ឆ្នាំង ស្តីទីព្រះសង្ឃាធិបតីវត្តចន្ទប្បជោត្តនារាម ហៅវត្តតាសុត និងព្រះមន្ត្រីសង្ឃបាននិមន្តចែកអាហារថ្ងៃត្រង់ថ្ងៃទី១១ ខែសីហា ឆ្នាំ២០២៦ដល់បេក្ខជនប្រឡងសញ្ញាបត្រមធ្យមសិក្សាទុតិយភូមិ នៅក្នុងខេត្តកំពង់ឆ្នាំង ។
អញ្ជើញចូលរួមចែកអាហារថ្ងៃត្រង់ដល់បេក្ខជនប្រឡងសញ្ញាបត្រមធ្យមសិក្សាទុតិយភូមិ នៅមណ្ឌលប្រឡងសាលាបឋមសិក្សាគំរូក្រុងស្ថិតក្នុងសង្កាត់ប្អេរ ក្រុងកំពង់ឆ្នាំង នាព្រឹកថ្ងៃទី១១ សីហា នេះមាន ឯកឧត្តម បណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្ត្រី ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ឆ្នាំង ឯកឧត្តម ស៊ុន សុវណ្ណារិទ្ធិ អភិបាលខេត្ត ឯកឧត្តម ស៊ីវ រុន ប្រធានក្រុមប្រឹកក្សា ខេត្តកំពង់ឆ្នាំង និងមន្ត្រីជាច្រើនរូបទៀត ។
នៅក្នុងឱកាសនោះ ឯកឧត្តម បណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្ត្រី និង ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានថ្លែងអំណរព្រះគុណយ៉ាងជ្រាលជ្រៅបំផុត ចំពោះព្រះធម្មវនវាសី ចន្ទមុនី ដែលបានផ្តល់ជាកញ្ចប់អាហាថ្ងៃត្រង់ សម្រាប់ចែកជូនដល់បេក្ខជនប្រឡងសញ្ញាបត្រមធ្យមសិក្សាទុតិយភូមិនៅតាមមណ្ឌលប្រឡង ក្នុងខេត្តកំពង់ឆ្នាំង ទាំងពីរថ្ងៃនេះ ៕
អត្ថបទ ហឹង ចូច ,រូបថត សន គន្ធនិវឌ្ឍន៍
