ផ្ទះចំនួន៣ខ្នងត្រូវបានអគ្គិសភ័យលេបត្របាក់អស់ទាំងស្រុង កាលពីរសៀលថ្ងៃទី២៣ ខែមេសា ឆ្នាំ២០២២ នៅក្នុងភូមិរើងពើង ឃុំស្គុះ ស្រុកសំរោងទង ខេត្តកំពង់ស្ពឺ ។
មន្ត្រីអាជ្ញាធរមូលដ្ឋាន បានឲ្យដឹងថា ករណីគ្រោះអគ្គិសភ័យនេះផ្តើមចេញពីការទុស្សេខ្សែភ្លើង ត្រង់កន្លែងព្រីសម្រាប់ដោតឌុយទូរទឹកកក នៅផ្ទះឈ្មោះ រិត សុខ អាយុ៦៤ឆ្នាំ ជាកសិករ មានប្រពន្ធឈ្មោះ រិត មាន អាយុ៦១ឆ្នាំ ។ ផ្ទះដែលឆេះនេះ ថ្មក្រោម ឈើលើ មានទំហំ៦ម៉ែត្រគុណ៨ម៉ែត្រ។
ប្រភពខាងលើ បានឲ្យដឹងទៀតថាភ្លើងបានបង្ករការឆេះរាលដាលទៅផ្ទះចំនួន២ខ្នងផ្សេងទៀតដែលស្ថិតនៅអមសងខាងអស់គ្មានសល់ បើទោះបីមានការអន្តរាគមន៍បាញ់ពន្លត់ពីក្រុមរថយន្ត ពន្លត់អគ្គិភ័យ នៃអង្គភាពអាវុធហត្ថនិងស្នងការដ្ឋាននគរបាលខេត្តយ៉ាងណាក៏ដោយ ៕
