កំពឆ្នាំង ៖ ឯកឧត្តម ឆាយ សុផល អនុរដ្ឋលេខាធិការក្រសួងព័ត៌មាននិងលោកជំទាវ នៅថ្ងៃទី១០ ខែកក្កដា ឆ្នាំ២០២១នេះ បាននាំយកអំណោយ ជាស្បៀងនិងថវិកា ផ្តល់ជូនប្រជាពលរដ្ឋនៅភូមិថ្មី ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង ដែលជួបការលំបាកក្នុងស្ថានភាពនៃការរីករាលដាលនៃជំងឺកូវីដ១៩ ។
អំណោយដែលត្រូវផ្តល់ជូនប្រជាពលរដ្ឋចំនួន៣គ្រួសារ ក្នុងមួយគ្រួសារទទួលបាន អង្ករ៥០គីឡូក្រាម មី១កេះ ទឹកត្រីមួយយួរ ទឹកសុីអុីវ១យួរ និងថវិកា ៤០.០០០រៀលផងដែរ ។
ប្រជាពលរដ្ឋដែលទទួលអំណោយនាពេលនេះ បានសំដែងនូវអំណរគុណយ៉ាងជ្រាលជ្រៅចំពោះឯកឧត្តម ឆាយ សុផល និង លោកជំទាវ ដែលបានចំណាយនូវធនធានផ្ទាល់ខ្លួន ជួយដល់់គ្រួសារដែលបានជួបការលំបាកដោយវិបត្តិកូវីត១៩ ៕
