មានការភ្ញាក់ផ្អើលដែលអតីត បេក្ខភាពឌឹវ៉យ អ៊ុង សុវណ្ណារិទ្ធ ស្រាប់តែលេចមុខនៅក្នុងផលិតកម្មថ្មីមួយ ក្រោយពុះពារជាមួយអាជីពសិល្បៈ ច្រើនឆ្នាំមក។ ដំណើរថ្មីនេះធ្វើអោយ តារារូបនេះមានមោទនភាព នៅពេលសិល្បៈបោះជំហានទៅមុខ។
បទចម្រៀងថ្មីដែលមានចំណងជើងថា«ខ្ញុំក្លាយជាអ្នកជំងឺស្នេហា» របស់ផលិតកម្ម Home Music ក្រោយពេលបង្ហោះនៅលើបណ្តាញសង្គម ធ្វើអោយមិត្តភក្តិ ហ្វេនៗភ្ញាក់ផ្អើល ហើយខ្លះចូលរួមអបអរដែលដឹងថាតារា ចម្រៀង អ៊ុង សុវណ្ណារិទ្ឋ រកបានទ្រនំថ្មី នៅក្នុងផលិតកម្ម។
ដោយឡែកបទថ្មីខាងលើនេះ មានអត្ថន័យរណ្តំបង្កប់ដោយ មនោសញ្ចេតនាជ្រៅ ស្តាប់ហើយចាក់ចំអារម្មណ៏អ្នកមានស្នេហាតែម្តង សុីនឹងសំឡេងរបស់តារារូបនេះ។ តារារូបនេះក៏ត្រៀមបង្ហាញនូវ បទចម្រៀងថ្មីៗជាបន្តទៀត ដើម្បីឆ្លើយតបការគាំទ្រ ដែលសុទ្ធសឹងតែជាបទសម្រិតសម្រាំងចំពោះផលិតកម្ម។
