ប៉ុស្តិ៍នគរបាលច្រកទ្វារអាកាសអន្តរជាតិខេត្តព្រះសីហនុ នាថ្ងៃទី២៤ ខែវិច្ឆិកា ឆ្នាំ២០២០ បានសហការជាមួយលោកវរសេនីយ៍ទោ លី ណារឿន នាយរងការិយាល័យ ស្នាក់ការត្រៀមបណ្តេញចេញខេត្តព្រះសីហនុ នៃនាយកដ្ឋានស៊ើបអង្កេត និងអនុវត្តនីតិវិធីធ្វើការបណ្តេញចេញជនជាតិចិនចំនួន ១០នាក់ តាមជើងយន្តហោះចេញលេខ ZA493 (KOS-CTU) និងលេខ ZA493 (KOS-CTU) ឲ្យចេញផុតពីប្រទេស និងប្រថាប់ត្រាហាមចូលព្រះរាជាណាចក្រកម្ពុជា រយៈពេល ០៣ឆ្នាំ និង ០៥ឆ្នាំ។
នគរបាលប៉ុស្តិ៍បានឲ្យដឹងថា ជនជាតិចិនទាំង ១០នាក់នេះ មាន ១. ឈ្មោះ YANG KE ភេទប្រុស អាយុ ២០ឆ្នាំ ជាប់ពាក់ព័ន្ធនឹងបទល្មើស ចាប់ឃុំឃាំង និងបង្ខាំងដោយខុសច្បាប់, ២. ឈ្មោះ XIA SHUANG QUAN ភេទប្រុស អាយុ ១៨ឆ្នាំ ជាប់ពាក់ព័ន្ធនឹងបទល្មើសជួញដូរដោយខុសច្បាប់នូវសារធាតុញៀន, ៣. ឈ្មោះ LI CHAO ភេទប្រុស អាយុ ៣១ឆ្នាំ, ៤. ឈ្មោះ HE LIANG NING ភេទប្រុស អាយុ ៣០ឆ្នាំ, ៥. ឈ្មោះ SONG YUAN ZHAO ភេទប្រុស អាយុ ៣០ឆ្នាំ, ៦. ឈ្មោះ LIU MEI LIN ភេទស្រីអាយុ ១៩ឆ្នាំ, ៧. ឈ្មោះ WANG LEI ភេទប្រុស អាយុ ៣២ឆ្នាំ, ៨. ឈ្មោះ DU XIANG ភេទប្រុស អាយុ ២៨ឆ្នាំ, ៩. ឈ្មោះ ZHU XIURAN ភេទប្រុស អាយុ ២៩ឆ្នាំ ជាប់ពាក់ព័ន្ធនឹងបទល្មើស ប្រើប្រាស់ដោយខុសច្បាប់នូវសារធាតុញៀន និង១០. ឈ្មោះ HE XIAOPING ភេទប្រុស អាយុ ៤៥ឆ្នាំ ពាក់ព័ន្ធនឹងបទល្មើស កាន់កាប់អាវុធដោយគ្មានការអនុញ្ញាត ។ដោយយោងតាមបញ្ជា លោកឧត្តមសេនីយ៍ទោ ប្រធាននាយកដ្ឋានច្រកទី១ ប៉ុស្តិ៍បានប្រថាប់ត្រាឲ្យចេញពីប្រទេស ព្រមទាំងប្រថាប់ត្រានៅលើលិខិតឆ្លងដែនហាមចូលព្រះរាជាណាចក្រកម្ពុជារយៈពេល ០៣ឆ្នាំ៕
