កំពង់ឆ្នាំង ៖ អំណោយជាសម្ភារ:សិក្សានិង ថវិការបស់សប្បុរសជនក្នុង និងក្រៅប្រទេសផ្តល់តាមរយៈព្រះមង្គលានុរ័ក្ខ អំ សៃ ព្រះរាជាគណៈថ្នាក់កិតិ្តយស ទីប្រឹក្សាផ្ទាល់សម្តេចព្រះអគ្គមហាសង្ឃរាជាធិបតីកិត្តិឧទេសបណ្ឌិតទេព វង្ស សម្តេចព្រះមហាសង្ឃរាជ នៃព្រះរាជាណាចក្រកម្ពុជា បានយកទៅចែកជូនដល់សិស្សានុសិស្សចំនួន៣០០នាក់មកពីសាលាបឋមសិក្សាកោះក្ទម្ព និងសាលាបឋមសិក្សាតានី ស្ថិតនៅឃុំជៀបស្រុកទឹកផុស ខេត្តកំពង់ឆ្នាំង កាលពីថ្ងៃទី៣០ ខែកញ្ញា ឆ្នាំ២០២០ ដោយមានការចូលរួមពីសំណាក់លោកស្រីឡុញ ពិសាល អនុប្រធានមន្ទីរប្រៃសនីយ និង ទូរគមនាគមន៍ខេត្តកំពង់ឆ្នាំង និង មន្រ្តីសង្ឃជាច្រើនអង្គក៏បាននិមន្តចូលរួមផងដែរ ។
មានសង្ឃដីការនាឱកាសនោះព្រះមង្គលានុរ័ក្ខ អំ សៃ បានគូសបញ្ជាក់ថា អំណោសប្បុរសធម៌ដែលបាននាំយកមកចែកដល់ សិស្សានុសិស្សនាពេលនេះ គឺបានមកពីសទ្ធាជ្រះថ្លា របស់ប្រជាពុទ្ធបរិស័ទ និង លោក KELVIN CHENG ក្រុមហ៊ុន Head of G C Care លោក KAKI YU ក្រុមហ៊ុនGCC company ។
ព្រះមង្គលានុរ័ក្ខ អំ សៃ បានគូសបញ្ជាក់ទៀតថា កិច្ចការសាសនា មានការរីកចម្រើនទៅបាន ក៏ត្រូវបានពឹងផ្អែកលើសុខសន្តិភាព ទើបមានកិច្ចអភិវឌ្ឍន៍រីកចម្រើនទៅបាន។ ដោយកត្តាសន្តិភាពនេះហើយ ដែលធ្វើឱ្យជីវភាព រស់នៅរបស់ប្រជាពុទ្ធបរិស័ទ មានការរីក ចម្រើន ព្រមទាំងបានបរិច្ចាគនូវទ្រព្យធនផ្ទាល់ខ្លួនក្នុងការចូលរួមកសាងទីវត្តអារាម មន្ទីរពេទ្យ សាលារៀន ផ្លូវថ្នល់ ស្រះទឹក អណ្តូង ទឹកនានាផងដែរ ។ ការលើកកម្ពស់ដល់វិស័យព្រះពុទ្ធសាសនា គឺត្រូវតែមានការ ចូលរួមពីសំណាក់ប្រជាពុទ្ធបរិស័ទ្ ធដែលជា ពុទ្ធសា សនិកជន ប្រកបដោយការអប់រំផ្លូវកាយ ផ្លូវចិត្ត ឲ្យឆ្ពោះទៅភាពស្ងប់ស្ងាត់ និងអាធ្យាស្រ័យដល់អ្នកដទៃ ។
ព្រះមង្គលានុរ័ក្ខ អំ សៃ បានគូសបញ្ជាក់ទៀតថា ការផ្តល់អំណោយសំភារៈសិក្សាដល់សិស្សានុសិស្សនៅតំបន់ដាច់ស្រយាល បង្ហាញពីការចូលរួមនិងគិតគូរ ការចែករំលែកពីគ្នាទៅវិញទៅមកនៅក្នុងសង្គម ។ ព្រះពុទ្ធសាសនា ពិតជាដើរតួនាទីយ៉ាងសំខាន់ក្នុងការអប់រំទាំងផ្លូវកាយនិងផ្លូវចិត្ និង ការអប់រំចិត្ត ឲ្យចេះស្រឡាញ់ សាមគ្គីគ្នា និង ជួយគ្នាទៅវិញមក ។
ព្រះអង្គក៏មានសង្ឃដីការផ្តាំផ្ញើដល់សិស្សានុសិស្សទាំងអស់ត្រូវខិតខំរៀនសូត្រ និង ចៀសឲ្យផុតពីអំពើអបាយមុខផ្សេងៗ ហើយ ខំក សាង ខ្លួនជាកូនល្អ សិស្សល្អ មិត្តល្អក្នុងសង្គម ។អំណោយដែលត្រូវចែកដល់សិស្សានុសិស្សនាពេលនេះ ក្នុងម្នាក់ៗទទួលបាន សៀវ ភៅ ប៊ិច ខ្មៅដៃ បន្ទាត់ អាល់កុលថវិកា និង សម្ភារសិក្សាមួយចំនួនទៀត ។ដោយឡែកសិស្សពូកែ៦នាក់បន្ថែម ថវិកាក្នុងម្នាក់៥០ដូល្លា និង សិស្សក្រីក្រ១២នាក់ ក្នុងម្នាក់ទទួលបានកង់១គ្រឿង ព្រមទាំងបានចែកជូនអំណោយដល់ប្រជាពលរដ្ឋដែលចូលរួមផងដែរ ៕
2 Shares
