រដ្ឋមន្ត្រី​ក្រសួង​កសិកម្ម ​ណែនាំ​​ឱ្យមន្ទីរ​​កសិកម្ម រុក្ខា​ប្រមាញ់ និ​ង​នេសាទ​ខេត្តកំពង់​ឆ្នាំង​ ​​​​ពិនិត្យ​តាម​ដាន​ និងសហការ​​ដោះស្រាយ​​បញ្ហា​ប្រឈម​លើ​​ការងារ​បង្ក​បង្កើន​ផល​​របស់​​ប្រជា​​កសិករ​

រដ្ឋមន្ត្រីក្រសួង​កសិកម្ម រុក្ខាប្រមាញ់ និងនេសាទ ឯកឧត្តម វេង សាខុន បាន​ណែនាំ​​ឱ្យមន្ទី​រ​កសិកម្ម រុក្ខាប្រមាញ់ និង​នេសាទ​ខេត្តកំពង់ឆ្នាំង ត្រូវឧស្សាហ៍ចុះពិនិត្យ តាមដាន​នៅ​លើ​រាល់​សកម្មភាព​បង្កបង្កើនផលរបស់​ប្រជាកសិករ ហើយ​ត្រូវ​សហការ​ដោះ​ស្រាយ​​ឱ្យបាន​ទាន់​ពេលវេលា នៅពេលកសិករជួបប្រទះនូវបញ្ហាប្រឈមលើ​ការងារ​បច្ចេកទេស​មួយចំនួន។

ការ​ណែនាំ​របស់ឯកឧត្តមរដ្ឋមន្ត្រីដូចនេះបានធ្វើឡើង ក្នុងឳកាសអញ្ជើញ​ចុះពិនិត្យ ដំណាំ​ពោត​របស់​កសិករ នៅតំបន់​អន្លង​អិន សង្កាត់កំពង់ឆ្នាំង ក្រុងកំពង់ឆ្នាំង និងដំណាំស្រូវដើមរដូវ​នៅភូមិកំពុងអុស ឃុំកំពង់អុស ស្រុកជលគិរី នៅថ្ងៃទី១៣ ខែ​មិថុនា​នេះ។

ជាមួយ​គ្នានោះ ឯកឧត្តមរដ្ឋមន្ត្រី ក៏បានសម្តែង នូវការគាំទ្រ និងលើកទឹកចិត្តដល់កសិករ ក្នុងក្រុង​កំពង់ឆ្នាំង និងស្រុកជលគិរី អោយខិត​ខំបន្ថែមទៀត ដើម្បីចូលរួមធ្វើឱ្យចក្ខុវិស័យ របស់រាជរដ្ឋាភិបាលនាឆ្នាំ២០៣០ និង២០៥០ សម្រេច​ទទួលបាន​ជោគ​ជ័យ​។

ឯកឧត្តម​រដ្ឋមន្ត្រី ចូលរួមអបអរសាទរចំពោះសមិទ្ធផល ដែលម្ចាស់ចំការពោត និងម្ចាស់ស្រែ​ទទួលបាននាពេលនេះ ហើយ​ទិន្នផល​មានការ​កើនឡើង ទីផ្សារផ​លិត​ផលល្អ និងនិរន្តរភាព​​នៃប្រាក់​ចំណូល​ក្នុងគ្រួសារ​៕

 

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង