កំពង់ឆ្នាំង ៖លោកជំទាវ កែ ច័ន្ទមុនី តំណាងរាស្រ្តមណ្ឌលខេត្តកំពង់ឆ្នាំង និងលោកជំទាវផាត សុផាន្នី ស៊ុនសុវណ្ណារិទ្ធិ ភរិយាឯកឧត្តម ស៊ុន សុវណ្ណារិទ្ធិអភិបាលខេត្តកំពង់ឆ្នាំង នាព្រឹកថ្ងៃទី២៧ ខែសីហា ឆ្នាំ២០២៥ បានអញ្ជើញសួរសុខទុក្ខលោកអនុសេនីយ៍ត្រី ពៅ ចាន់ថន វរកងទ័ពជួរមុខឈរជើងនៅប្រាសាទតាមាន់តូច ដែលបានមកសម្រាកព្យាបាល នៅមន្ទីរពេទ្យបង្អែក ខេត្តកំពង់ឆ្នាំង ។
លោកជំទាវអ្នកតំណាងរាស្ត្រ និងលោកជំទាវ ភរិយា ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បាននាំយកថវិកាមួយចំនួន និងគ្រឿងឧបភោគ បរិភោគ ជូនលោក អនុសេនីយ៍ត្រី ពៅ ចាន់ថន ដែលកំពុងសម្រាកព្យាបាល នៅក្នុងមន្ទីរពេទ្យផងដែរ ៕
