ផ្ទះថ្មក្រោមឈើលើចំនួន ០៧ ល្វែងសើ្មនឹង១៥ បន្ទប់ ត្រូវអគ្គីភ័យឆាបឆេះ នៅវេលាម៉ោង៤:១៥ នាទីលា្ងច ថ្ងៃទី១៦ ខែកុម្ភៈ ឆ្នាំ២០២០ ស្ថិតនៅតាមបណ្តោយផ្លូវ៣០០ ក្រុមទី៥៤ ភូមិ៥ សង្កាត់បឹងកេងកងទី២ ខណ្ឌបឹងកេងកង រាជធានីភ្នំពេញ ។
សមត្ថកិច្ច បានឲ្យដឹងថា ផ្ទះដែលត្រូវអគ្គីភ័យឆាបឆេះខាងលើមានម្ចាស់ឈ្មោះ : ណៃ ណន់ ភេទស្រី អាយុ៤៩ឆ្នាំ មុខរបរលក់សាច់ជ្រូក។ ហេតុការណ៍នេះ មិនបណ្តាលអោយគ្រោះថ្នាក់ដល់មនុស្សនោះទេ ហើយមូលហេតុនៃការឆាបឆេះសមត្ថកិច្ចកំពុងធ្វើការស្រាវជ្រាវ។
គួរបញ្ជាក់ថា ប្រតិបត្តិការពន្លត់អគ្គីភ័យនេះ សមត្ថកិច្ចបានប្រើប្រាស់រថយន្តពន្លត់អគ្គិភ័យចំនួន២៩គ្រឿង ក្នុងនោះរថយន្តពន្លត់អគ្គិភ័យរបស់វិស័យឯកជនមានចំនួន៥គ្រឿង និងប្រេីប្រាស់ទឹកអស់ចំនួន ១១៨ ម៉ែត្រគូប ។ អគ្គិភ័យបានរលត់ទៅវិញទាំងស្រុងនៅវេលាម៉ោង៥:១៥នាទីនាល្ងាច ៕
