សាខា​កាក​បាទ​ក្រហម​កម្ពុជា​ខេត្ត​កំពង់​ឆ្នាំង​ ប្រា​រព្ធ​ធ្វើ​ទិវា​សុខ​ភាព​មាតា​និង​ទារក​ នៅ​មណ្ឌល​ សុខ​ភាព​សែប​ ស្រុក​កំពង់​ត្រឡាច​

កំពង់ឆ្នាំង ៖ គណៈកម្មាធិការសាខាកាកបាទក្រហមកម្ពុជា ខេត្តកំពង់ឆ្នាំង បានប្រារព្ធធ្វើទិវាសុខភាពមាតានិងទារក ក្រោមប្រធានបទ « រួមគ្នាពង្រឹងសេវាសុខភាពបន្តពូជ សុខភាពមាតា ទារក កុមារ យុវ័យ និងអាហាររូបត្ថម្ភ ដើម្បីឈានទៅសម្រេចគោលដៅអភិវឌ្ឍន៍ ប្រកបដោយចិរភាពនៅឆ្នាំ​ ២០៣០ ។

ទិវានេះប្រារព្ធធ្វើនៅមណ្ឌលសុខភាពសែប ក្នុងស្រុកកំពង់ត្រឡាច នាព្រឹកថ្ងៃទី១៤ ខែមិនា ឆ្នាំ២០២៣ ក្រោមអធិបតីភាព លោកជំទាវ កែ ច័ន្ទមុនី អនុប្រធានកិត្តិយស និងលោកជំទាវ ប៊ន សុភី អនុប្រធានគណៈកម្មាធិការសាខាកាកបាទក្រហមកម្ពុជា ខេត្តកំពង់ឆ្នាំង ។

 

នៅក្នុងឳកាសនោះ សាខាកាកបាទក្រហមកម្ពុជា ខេត្តកំពង់ឆ្នាំង បានចែកជូនគ្រឿងឧបភោគបរិភោគ ដល់ស្ត្រីមានផ្ទៃពោះ និងស្ត្រីកូនតូចចំនួន​៦២នាក់ ក្នុងម្នាក់ៗទទួលបានអង្ករចំនួន៣០គីឡូក្រាម,មី១កេស ,ត្រីខ១យួរ ,ឃីត១កញ្ចប់ ( មុង១,ភួយ១ ,ក្រមា១ ,សារ៉ុង១ ) កន្សែងពោញគោ១ ,​ស្រោមដៃ​ទារក១គូ ,ស្រោមជើងទារក១គូ,មួកទារក១ ,ទឹកដោះគោឆៅ១ឡូ ,ស្តរស កន្លះគីឡូក្រាម ,និងថវិកា មួយចំនួនផងដែរ ៕

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង