អភិបាល​ក្រុងកំពង់ឆ្នាំង​ឡើង​ថ្មី កំណត់​​អាទិភាព​​ប្រែក្លាយ​​ផ្លូវក្នុង​​ក្រុង​​ទាំង​អស់ ទៅ​ជាផ្លូវ​​កៅ​ស៊ូ​ឬ​បេតុង និងមាន​​អំពូល​បំភ្លឺ នៅត្រឹម​ឆ្នាំ២០​២៣

កំពង់ឆ្នាំង៖ លោក ហ៊ីង ភ័ព្វមិនា អភិបាល​ក្រុង​កំពង់​ឆ្នាំង បានដាក់ទិសដៅអភិវឌ្ឍន៍ ប្រែក្លាយគ្រប់ផ្លូវទាំងអស់ក្នុង​ក្រុង​​កំពង់ឆ្នាំង​ ឲ្យ​ទៅ​​ជា​ផ្លូវ​កៅស៊ូឬផ្លូវបេតុង និងមានបំពាក់អំពូលសូឡាបំភ្លឺផ្លូវ នៅត្រឹមឆ្នាំ២០២៣។ ការបញ្ជាក់​ពី​គម្រោងទិសដៅអភិវឌ្ឍន៍នេះ បាន​ធ្វើឡើង​ក្រោយមួយ​ថ្ងៃ នៃ​ការប្រកាស​ចូលកាន់តំណែង​​​ជាផ្លូវការ​ជា​អភិបាល​​​​ក្រុង​កំពង់​ឆ្នាំង។

លោក ហ៊ីង ភ័ព្វមិនា បានបន្តថា ក្រៅផែនការអភិវឌ្ឍន៍ផ្លូវ លោកក៏មានផែនការអាទិភាពផ្សេង​ទៀត​ដូចជា​ ការអភិវឌ្ឍន៍ប្រព័ន្ធលូ បញ្ហាសំរាមដោយជំរុញអប់រំប្រជាពលរដ្ឋបន្ថែមលើការទុកដាក់វេចខ្ចប់ សណ្តាប់ធ្នាប់សាធារណៈ ជាពិសេស ពង្រឹងការងារ​​អនុវត​​ត្ត​​គោលនយោបាយភូមិ ឃុំមានសុវត្ថិភាព និងការបម្រើសេវាសាធារណៈ ជូនប្រជាពលរដ្ឋឱ្យបានល្អប្រសើរ។​​​គួរបញ្ជាក់ថា លោក ហ៊ីង ភ័ព្វមិនា ត្រូវបានប្រកាសចូលកាន់តំណែងជាអភិបាល​ក្រុង​កំពង់​ឆ្នាំងផ្លូវ​​ការកាលពីថ្ងៃទី០៣​ ខែតុលា ឆ្នាំ​២០​​​២២ ជំនួសលោក យិន សាវ៉េន ដែលត្រូវតែង​តាំងជាអភិបាល​រងខេត្ត ។ មុនក្លាយជាអភិបាលក្រុងកំពង់ឆ្នាំង លោក ហ៊ីង ភ័ព្វ​​មិនា បានបំពេញ​ភារកិច្ចក្នុងតំណែងជា​អភិបាល​រងក្រុងកំពង់ឆ្នាំងអស់រយៈពេល៨ឆ្នាំ៕

ព័ត៌មាន​ទាក់​ទង

ភ្ជាប់ទំនាក់ទំនងជាមួយ វិទ្យុ ម៉ាយអេហ្វអឹម ខេត្តកំពង់ឆ្នាំង