កំពង់ឆ្នាំង៖ ឯកឧត្តម ស៊ុន សុវណ្ណារិទ្ធិ ត្រូវបានតែងតាំង ជាប្រធានគណកម្មាធិការសាខាកាកបាទក្រហមកម្ពុជា ខេត្តកំពង់ឆ្នាំង អាណត្តិទី៥ និង លោក
ជំទាវ ប៊ន សុភី ជាអនុប្រធានអចិន្ត្រៃយ៍ ។
ពិធីប្រកាសទទួលស្គាល់ថ្នាក់ដឹកនាំគណកម្មាធិការសាខាកាកបាទក្រហមកម្ពុជាខេត្តកំពង់ឆ្នាំង សម្រាប់អាណត្តិទី៥នេះ ធ្វើឡើងនៅព្រឹកថ្ងៃទី១០ ខែសីហា ឆ្នាំ២០២២ ក្រោមអធិបតីភាពលោកជំទាវ ពុំ ចន្ទីនី អគ្គលេខាកាកបាទក្រហមកម្ពុជា ។ពិធីនេះក៏បានប្រកាសទទួលស្គាល់ប្រធាន អនុប្រធាន កិត្តិយសគណកម្មាធិការសាខា ប្រធាន អនុប្រធានអនុសាខានិងប្រធាន អនុប្រធានកិត្តិយស អនុសាខាក្រុង ស្រុកទាំង៨ របស់ខេត្តកំពង់ឆ្នាំងផងដែរ ៕
