កំពង់ឆ្នាំង ៖ នៅព្រឹកថ្ងៃអង្គារ ១៣កើត ខែបឋមាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២២ ខែមិថុនា ឆ្នាំ២០២១ ឯកឧត្តមឈួរ ច័ន្ទឌឿន អភិបាលនៃគណៈអភិបាលខេត្តកំពង់ឆ្នាំង បានចាត់ឲ្យលោកខឹម ចាន់នឿន នាយករងរដ្ឋបាលសាលាខេត្តកំពង់ឆ្នាំង នាំយកថវិកាចំនួន ១,០០០,០០០៛(មួយលានរៀល) ចូលរួមបុណ្យសព និង ចូលរួមរំលែកទុក្ខដល់គ្រួសារសពលោកលឹម បូផា ប្រធានការិយាល័យរៀបចំដែនដី នគរូបនីយកម្ម សំណង់ និង ភូមិបាលស្រុករលាប្អៀរ នៅគេហដ្ឋាននៃសព ស្ថិតក្នុងភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង ។
លោកកែវ សេងសុចន្តា ប្រធានការិយាល័យវិទ្យុ នៃមន្ទីរព័ត៌មានខេត្តកំពង់ឆ្នាំង ត្រូវជាភរិយាសពលោកលឹម បូផា បានគោរពថ្លែងអំណរគុណយ៉ាងជ្រាលជ្រៅជាទីបំផុត ចំពោះឯកឧត្តមអភិបាល នៃគណៈអភិបាលខេត្ត និង ឯកឧត្តម លោកជំទាវ លោក លោកស្រី ជាថ្នាក់ដឹកនាំ និង មន្ត្រីរាជការទាំងអស់ នៅក្នុងខេត្តកំពង់ឆ្នាំង ដែលបានចូលរួមរំលែកទុក្ខជាគ្រួសារលោកស្រីបន្តបន្ទាប់។
លោកស្រីកែវ សេងសុចន្តា សូមបួងសួងគោរពជូនពរ ឯកឧត្តម លោកជំទាវ លោក លោកស្រី ជួបប្រទះនូវពុទ្ធពរ ៤ ប្រការ គឺអាយុ វណ្ណៈ សុខៈ ពលៈ កុំបីឃ្លាតឡើយ ៕
